CHAPITRE CL

De la question et débat qui penaoit entre le roy Loys et son frère , aveucques ses alliés, pour la ducié de Normandie.

Or duroient encore les trèves entre France et Angleterre, et pareillement entre le roy Loys, roy de France, et son frère, qui se nomma duc de Normandie, et les ducs de Bourgogne et de Bretaigne, pour la question qui est assez dite et déclarée : est à savoir, pour l'alliance et serment que avoient ensemble solempnellement fait, juré et scellé, compris plusieurs autres, quasi tous les princes du sang. Mès estoient ces trèves jà près du terme que devoient exspirer ; par quoi, et à tous lez, ceux à qui le dansier de la guerre compétoit se pourvirent et garnirent, chacun à son plus fortet à son plus beau ; et veilla chacun à son cresteau, comme pour ly. Le roi à son début, qui véoit et considéroit à qui il pooit avoir à faire, se la guerre alloit avant, se pour vitet se forlifia à tous sens; mist tous ses en-— gins en œuvre et tous ses entendemens en employ, pour , en temps de besoing, se trouver à son desseure de ses adversaires. Sçavoit le duc Charles de Bourgogne fier durement et de grand cuer; et aveucques ce qu'ille sentoit fort etde grand pooir, si savoit-il que c'estoit le seul et le tout sur quoi le duc de Normandie, son frère, et le duc de Bretaigne, s'attendoient et reposoient; et qu'en Ja fermeté de ly et de son assister, ilsse maintenoient roides dans leur querelle. Par quoi, par peur de lung et de l'autre , et par le dangier qu pendoit en entamer l'ung des debous, tint er suspense, et surséoit sa cause en rongant son frein, comme au milieu des deux. Et encore, qui plus lui estoit de pois et degrief, c'estoit qu'il sentoit et véoit à l'œil ce qu'amender ne pooit ne y résister : c'estoit que ce duc de Bourgogne avoit pris l'alliance du royaulme d'Angleterre, par mariage à la seur du roy Éduard; de quoi non tant seulement il res-

soignoit la puissance dudict duc qu'elle en seroit plus creue et plus grande, mès en prédoutoit et prévéoit la ruine de son royauline, à ceste cause, pour le temps à venir, quand ce duc ici s'en vouldroit servir. Et par ainsi, et comme ly-mesmes et tout de soi s'estoit bouté .en ce dangier , et mis en ce destroit pour av. ir mis et procuré la division meismes de tout son sang contre ly, maintenant, quand il s'en vist en tel meschief, et qu'il y cuida remédier par destroites voies, non merveilles s’il se trouva perplex en se cuidier conduire, là où 11 véoit la chose si difficile et de si grand dangier pour sa coronne. Et pour ce dist-on bien vulgairement : que nul n’a mal que au

cunement il n’en soit cause; et est bien disne cely de venir à malaise, qui, de son aise ct de sa bonne fortune, fait sa tanance. Qui est cely, Ô Dieu, qui ayant une belle maison délictable , et en quoy nature se délicte et se complaist, et par appétit désordonné après, et par sa tanance de telle doulceur , va bouter le feu au milieu ? Qui est cely, ne ou estil, qui doit plaindre cely homme, quand d'aventure, et en telle perplexité que de voir périr le sien, quand on le verroit tendre et.laborer au remède pour la rescourre? Certes, quand la plaie en tourneroit griève sur lui, et larmes et battisons des mains à tous lez le tenroient en angoisse , ne seroit à plaindre de nulluy, sinon d'autant que la chose publicque en peust cstre blessiée en la dépendance d'ung tel sens perverti, et qui est adonné à son propre mal pour le cuidier faire

à aultrui.