CHAPITRE CLI
Comment le roy Loys au double assembla frans archiers plus qu’il n'estoit de coustume , et de son avis qu'il prist.
Le roy doncques partout son royaulme, vueillant pourveoir encontre ses querellans , les princes dessusdits , et soi garnir de force et d'amis encontre l'effort des autres, jà de longue main avoit praticqué en tous endroits tout l'effort qu'il pooit mettre sus, tant de uobles gens que de communes. Et en effet, par tous les lieux de son royauilme là où on
CHRONIQUE DES DUCS DE BOURGOGNE. —III: PART
soloit lever francs archiers , il y assist de les lever au double nombre, plus que paravant.
Si en trouva ung bien grand nombre, bien jusques à cinquante mille, bien embastonnés et bien en point, avecques ses deux mille lances ordinaires, sans les aultres qu'il pooit avoir par mandement de ban.
Comme doncques le roy savoit et entendoit que son frère, monseignear Charles, ne se voloit nullement départir de la ducié de Nor mandie qu'il ne l'eust et emportast pour son partage, et que c'estoit le droict point de la destrainte de ce débat, à l’ung de non s’en vouloir passer, et à l'aultre de non la voloir donner ne de s’en desfaire, le roy s’avisa, et sagement, de faire convenir les trois estas du royaume à Tours. Et ‘par toutes les villes de son royaulme, meismes en Tournay, manda venir nombre de députés envers ly, de par lesdietes villes, pour avoir avis aveucques eux et conseil en faire et en laissier sainement et deuement en ceste matère. Si y furent envoyés et députés maint notable preudomme , ct maint haut et noble clerc; et mesmes tout l'estat de saincte église y estoit semons et évoqué , par adjonction aveucques les nobles, lesquels tous s'assemblèrent à Tours, là où estoit le roy qui les attendoit. Et avoit aveucques ly, son oncle, le roy Renier, roy de Sicile, le comte du Maine, le duc de Bourbon, le prince de Navarre, le conte du Perche, le comte d’Angoulesme , le duc de Nemours, et multitude de grans barons et de haulx hommes, auxquels et devant lesquels, au jour qui estoit ordonné et signifié, le roy, en propre personne et de son propre sens, fit une très-belle et notable relacion touchant ceste difficulté pendant présentement. Et comme ly de soi ne se voloit justifier, ce sambloit, en sa propre querelle et cause, ne soi arroguer d'en savoir bica faire , de propre sens, au meilleur expédient, protesta devant eux tous soi estre insuflisant ly de y, et non ydoine pour faire riens en ceste matère de propre teste, veu encore qu'elle touchoit au bien universel de tout le royauunc , et à sa perpétuité, etly n'y avoit que son voyage; dont, par en abuser, ne lui voloit ne ne lui devoit porter ce grief. Si en demanda l'avis et le conseil à eulx tous en
456 GEORGE CHASTELLAIN
publicque, et leur mist en mains ct en leur déterminacion ceste perplexe et très“estroite difficulté de Normandie ; savoir : se pour guerre et tribulacion fuir, et espargner effusion de sang chrestien , il loisoit mieulx ac-
corder et bailler ceste ducié de Normandie à son frère, et en faire dessevrement de la coronne, Ou, pour maintenir et continuer la coronne en son entier, comme de long viel temps, prendre l'aventure de la guerre, par!la refuser aux domandans ; car quoique son frère, monscigneur Charles, Ia demandast comme pour sienne, les deux ducs de Boursoigne et de Bretaigne la demandoient en confort de sa querelle ; par quoi, non tant seulement ceste guerre regarderoit son frère à part ly, mès les deux ducs, ses adjoints, les deux plus gros membres de France.
