CHAPITRE CLIL e
Comment les nobles et les estas de France , après avoir oy la velacion du roy, débaltirent les conséquences et dangiers qui en pooient venir.
Ceste remonstrance ainsi faite par la bouce du roy requérant avis, tous les princes et seigneurs, jà par avant informés de la nature du cas et conclus, nient-moins en responce pesèrent moult ceste matère; et considérans à tous les grans dangiers qui y pendoient, misrent leurs contraires difficultés en balance de long jugement, premier qu'entrer en l’estroit. Véoient la léauté que devoient au roy et à la chose publicque de ce royaulme pour le premier tiltre. Véoient à l’aultre lez l'affection et le bon amour que porter devoient à monseigneur Charles, frère du roy, et apparant héritier de la coronne , et de qui ils devoient vouloir l'avancement et pervencion à ses bonnes fins. Véoient en oultre, et pour le tiers point , la grande et forte adjonction qu'il avoit en confort de sa cause des ducs de Bourgogne et de Bretaivne, et par lesquels, qui ne le contenteroit en ses demandes en son plein appétit, il s’efforceroit encontre le roy, son frère, de s'en mettre au desseure réalement et de faict. Et puis finablement regardoient, se ceste séparacion de la ducié de Normandie et de la coronne se faisoit, ce
11468] pooit tourner à grand grief et plair à la royale magesté pour le temps à venir, *ten contraire des anciens estatuts fais et gravement conclus pour l'universel salut de France, qui jamès ne se doivent rompre. Parquoi, tout considéré et tout argué et pesé, et venans à l'estroit de la vérité et de preudomie , sans faveur et sans haine, conclurent et respondirent tous ensemble : que nulle riens sous le ciel, ne faveur ne affection fraternelle, ne obligacion de promesse, ne opportunité de donnison , ne de pourvision, ne peur ne menace de guerre, ne regard à nul temporel dungier qui sourdre ne mouvoir se peust à ceste cause , le roy ne devoit ne ne devroit acquiescer ne condescendre en ceste séparacion de la ducié, ne en son transport en main d'omme vivant que la sienne ; ains devroit plustost mettre et sa propre personne et tout son royaulme en la disposition occulte de la main de Dieu et de fortune, premier que le faire ne consentir, pour maintes grandes eT évidentes causes qui là estoient déclairées et produites , non replicables ne reboutables. Dont, et pour tant mieux donner au roy courage et ferme adhésion à leur tel conseil et avis, lui certiflièrent tous d’une aflection et d'une bouce, que mesme eux tous ensemble, et distinctement chacun en son endroit, pour donner effect et vertu à ce que portoit leur avis, eulx ils s'exposeroient et le scrviroient de corps, de puissance , et d'avoir, de leurs femmes, de leurs enfans, et ne l’abondonneroient ne pour mort ne pour nul encombre de fortune ne de terrien dangier , quelque il peust estre. Si en fut le roy moult joyeux, et fort reconforté, comme raison le devoit bien; car ce lui estoit une ferme seure potenté, pour soi reposer dessus à celle heure.
