CHAPITRE CLIV

Comment le connestable, après le retour dudit parlement , se vint tenir à Bohain et des diverses epinions qu'omavoit alors dudit connestable. |

Après ce parlement fait et tenu à Tours, le comte de Sainct-Pol , connestable de France, au retour dudict parlement, se vint tenir en sa maison de Bohain, sur les marches de Picardie; et disoit-on communément, entre les aulcuns, que c'estoit pour venir aux nopces du duc de Bourgoingne ; car le temps qui estoit constitué pour la feste, approchoit tort ; et par ainsi, pour estre tant plus tost près , se vint tenir près du lieu. Autres disoient que c'estoit pour pourveoir aux danpiers qui pooient escheoir sur la frontière, tant des Anglois comme des gens d'armes du duc : car le temps estoit plein de rumeur et de ruine alors entre le roy et ly, pour les alliances que avoit prinses avècques le roy Ellouard d'Angleterre, ensemble avecques son frère monseigneur Charles et le duc de Bretaigne. Et croy bien que ceste raison estoit bien plus évidente que la première, sauf toutes-fois que ledict connestable , com bon et léal qu'il fust pour le roy et pour ses affaires , si voloit-il nientmoins différer la guerre toujours, et estre moyen de la surseoir entre eulx par toutes labeurs et diligences faisables et responsables ; car aimoit les deux partis et les honoroit, l'ung pour l'onneur et le grand estat qu'il y avoit, et qu'il y avoit son serment, l'aultre par nature qui l'accusoit de ce faire ; car y avoit esté né, eslevé, nourri et parcreu , et y avoit tous ses enfans et tout le plus bel de son vaillant, et dom il estoit

homme et subject du duc, aveucques encore longue nourriture et privée amour qu'il cust longuement, en servant le duc Charles, le duc Philippe son père encore vivant. Parquoi le soin et la cure lui devoient bien estre grandes , en acquittant son honneur et devoir à tous lez, pour en procurer le bien entre tous les deux , par le moyen duquel la guerre peust tousjours demorer suspendue etdélayée:

car sage prince estoit, et merveilleusement actif, et de grand labeur en dificiles affaires.