CHAPITRE CLY
“omment le duc Charles estoit fort désirant de jangler avec ledit connestable après son retour de France pour apprendre de ly toutes nouvelles de par-delà, etcomment ledit connestable arriva à Bruges à grand présumpcion.
Le duc Charles, doncques, sachant ledict connestable estre retourné de Tours, et séjournant jà près de ly à Bohain , non merveilles s'il désiroit bien à veoir ledict connestable , - pour apprendre de Ily toutes nouvelles de par-delà, et du roy et du royaulme, et de toutes les dispositions de paix et de guerre : Car n'y avoit au monde homme en qui tant il mist foy et crédence qu'en cestui connestable, ne aussi qui plus au vif lui en peust parler ; car c'estoit le seul bras destre du roy, et le vrai coffre de son secré. Dont com plus le roy y metloit sa confiance, com plus aussi ledict connestable se devoit sagement conduire au lez de par-dechà, afin que le roy n'y prist malvaise note. Et en effect, ledict con . nestable de soy-mesmes n'eust jamès osé venir çà envers devers le duc, sinon du gré et ordonnance du roy, qui Jà maintesfois le y avoit envoyé depuis qu'il l'avoit fait son connestable. Et savoit bien aussi que, honneur et serment sauf, le duc Chärles de Bourgoigne estoit cely du monde que ledict connestable amoit le plus, pour les raisons dessusdictes. Mès nient-moins si ne lui voloit-il gréer l'allée devers ly, sinon pour ses affaires, en publicque bien des deux; et avoit raison.
Or advint que , comme le duc Charles avoit fain et grand désir de veoir ledict connestable et de lavoir en devises, au roy prist fain aussi
LA
GEORGE CHASTELLAIN
de l'envoyer devers le duc à Bruges; et 1e requéroient bien les affaires du temps qui alors estoit. Dont, com au roy et au duc pristung dé: sir tournant en ung homme, cestui, à la tierce main, se trouva en désir aussi d'avoir commission de venir à Bruges, pour certains regars qu'il avoit en son couvert corrage; et lesquels il désiroit à monstrer et à faire cognoistre. Si fault savoir que ce comte de Sainct-Pol, counestable de France, estoit ung très-bel et exquis chevalier, fier durement et de hault corrage ; et à l'advenant du lieu dont il estoit, il avoit les meurs tout de meismes ; comme ung grand homme et fort, désiroit gloire et exaltacion de fortune, et souverainement en la maison de France , pour cause qu'en la maison de Bourpoigne il avoit porté longues repulses du duc Philippe , à la cause de ceux de Croy : parquoy, par l'espasce bien de vingt ans, et parce qu'H avoit grandes alliances en France, il avoit béé et entendu à estre connestable ; à quoi toutes-fois oncques n'avoit peu parvenir du temps du roy Charles. Or estoit advenu qu'au voyage de France , que cestui comte de Sainet-Pol fist aveucques cestui duc Charles à Mont-le-héry, par le moyen dudict Charles, comte de Charolois, il fut faict et créé connestable à Conflans ; et depuis monta encore si haut, que le roy, pour l'avoir entièrement devers ly et hors de la maison de ce duc Charles, lui donna en mariage la seur de la royne, aveucques grande et haulte pourvision sur les deniers du royaulne. Or estoit-il et se trouvoit en l'onneur et exaltacion que longuement avoit désirée. Et comme en France il avoit quis sa gloire et sa promocion , ès pays et ès marches aussi du duc, souverainement en Flandres et là entour , tendoit et désiroit à y monstrer sa glorifiance; car savoit bien qu'il y avoit des envieux sur son honneur :
parquoy tant plus il avoit affection de leur croistre leur envie.
Si advint maintenant que , ainsi que le roy l'envoya à Bruges, en ce mois de may l'an soixante-huict, et que le duc alors estoit en grande magnificence et en haultestat, la ville pleine de nobles gens et de divers ambassades de plusieurs régions, cestui comte de Sainct- Pol, connestable de France, vint et arriva à Bruges, entra par la porte de Sainrte-Croix,
vint fendant tout le travers de la ville et parmi le droict ventre du beau marchié, à six trom- pettes sonnans devant ly et tous leurs blasons; fist porter l'espée devant ly tout ainsi comme Île prince du pays, et en multitude de chevaliers et de nobles gens, six pages darrière 1ly; et à grand sieute fit tout retentir de son bruit, et hommes et femmes corrir par les carrefours pour en veoir l'affaire : car estoit cas de nouvelleté, ce leur sambloit , le plus que jamès véissent. Si en sourdit grand murmure et estrange manière de parler, entre diverses gens, qui à dur le portoient et qui le cognoissoient de fons et de lait, et le savoient estre subgect nuement et serviteur du prince du pays; par quoy tant plus se indignoient contre ly à cause de ceste arrogance monstrée , et laquelle ne lui appar- “tenoit ,te disoient. Toutes-fois, ledict connestable n’accontant ne à parole ne à murmure, ne à bien pris ne à mal pris, tousjours fendant les rues en son arroy, vint descendre en son logis envers la porte du Dam, menant grand chière et degois de sa fière entreprise, non jamès monstrée par aultre. Et en effect jamès n'avoit esté veu aussi qu'homme y fist le samblable. Si en furent en l'instant portées les nouvelles au duc , qui durement s’en esmerveilloit;, et de fait, de felle cuer tout animé, s'en indigna contre ly et le porta à très aigre. Et comme par avant il avoit fort désiré sa venue et de le veoir, maintenant, quand il oyt conter cest orgueil et ceste arrogance mal assise, le contempna en son ayr, et tourna son cuer envers ly en toute froidesse , jurant Sainct-George qu'il lui remonstreroit son oultrage. Et combien que ledict connestable pensoit à venir le lendemain devers ile duc lui faire la révérence , toutes-fois le duc lui signifia et lui fit dire qu'il ne venist pas, car ne lui seroit pas bien venu. Et de faict le lessa sincq jours et sincq nuicts qu'oncques ne le voult veoir, ne que l'aultre aussi n'y ‘osa venir; car savoit le courroux que le duc avoit contre lui. Nientmoins, à ceulx qui l'allèrent veoir, comme le seigneur de La Roce , le seigneur d'Aymeries, et aultres, il s'excusa et para gracieusement ; et remonstra par points et par articles, que faire le pooit et devoit par tout le royaulme de France ;
CHRONIQUE DES DUCS DE BOURGOGNE.— III° PART
mesmes en la ville de Paris , le roy y estant dedens, si le pooit-il faire, et l’avoict faict ; par quoy en Bruges, qui estoit du rovaume, il le pooit faire aussi, comme connestable de France ; et n'estoit point cely honneur à ly comme conte de Sainct-Pol, mès comme souverain oflicier de la coronne. Et ainsi, par belles remonstrances qui furent rapportées au duc par les ungs et par les aultres, le duc enfin se lessa approcher , et se mitiga, jàsoit ce qu'en leur convenir ensemble, le duc ne se pot oncques contenir qu'il n’en parlast fièrement audict connestable. Et disoient aulcuns qu'oncques il ne l'eust osé faire ne penser du temps de l'aultre duc, s'il eust vescu.
Aultres disoient que si eust, et qu'il l’eust aussi bien peu de l'ung comme de l'aultre ; mès il l’eust lessié par révérence de son hault glorieux nom et règne. Toutes-fois, fust qu'il le pust ou non, le peuple estoit tellement esmeu en Bruges en cestui cas de nouvelleté, que ce fut mille contre ung qu'il n’en advint des grands meschiefs et des dangiers en sa personne, tant que le hardement n'estoit point en ly, que d'en partir en la manière comme il estoit venu. Mès faingni d'aller en pélerinage à Herdenbourg, en privée simple maisnie ; et fit trousser trompettes et blasons en malles, et s'en alla à l'emblée.
