CHAPITRE CLXIII

Comment tous les princes du réalme se trouvèrent perplex en la manière du faire et du vivre alors autour du roy.

Pour ceci et bien avoit deux ans par avant, qu'autour du roy et meismes au royaulme n'y avoit prince qui ne se trouvast tout entrepris et perplex en la manière du faire et du vivre alors , tant pour la difficulté des matères et des personnages qui alors régnoient, comme d:s dangereuses soupechons et manières du rov,.dont chacun craignoit le péril. Le connestable de France, comte de Sainct-Pol , atout quant qu’il avoit de sens, y avoit assez à faire à soi bien conduire, qui pendoit en balance entre les deux. Pareillement , le roy de Cecile qui, oncle aux deux frères , favorisoit naturellement à tous les deux ; et non moins le comte du Maine, son frère , messire Charles d'Anjou. Le duc de Bourbon , qui estoit Le préféré du throne pour le gouvernement., et estoit nepveu et cousin-germain de la maissn de Bourgogne , à cely devoit bien estre nient moins Soing aussi de charier droict, tant pour son honneur envers le roy, là où gisoit son bien et son estat, comme par obligacion de nature qui lé pooit et le devoit traire vers le lez de son prochain sang. Aveucques ce , et qui est le plus du tout ; ce avoit esté cely et ung des principaux qui avoit faict l'esmeute au commenchement du malvais Bien Publicque , dont toute ceste division à esté née. Estre revenu doncques en grace et en haulte crédence aveucques le roy , lui servoit et duisoit bien de la garder; et avoir esté aussi de l'alliance et de la commune conjurison quasi moveur , scelleur et prometteur infrustrable , lui estoit bien cause aussi , et devoit estre, de non trop ployer au préjudice de ses associés en cause. Le comte de Nevers, le plus oyant en cause de tous, pour son honneur dont se véoit destitué par la Toysond'Or qui lui avoit été tollue nouvellement à Bruges, secondement pour ce que s'estoit mes-faict envers la maison de son nom et de sa gloire, où avoit esté eslevé et nourri, et