CHAPITRE CLXIT

Comment le duc Charles avoit aulcun secret regard et considération en la mort dudit bastard.

Ja cause maintenant pour quoi j'ai fait ce conte de ce bastard et de la rigueur maintenue envers |y si roidement , n’est pas principalement pour la compétence du bastard, mès pour la cause des considérations que j'y ay, et que le duc meismes avoir y pooit, di versement causées. Et tout premier je regarde, comme parlant pour ly, comment il estoit en ceste ville de Bruges, là où toutes nacions du monde sont; et meismes maintenant estoit pleine de toute la noblesse du pays, à cause du grand assamblement qui estoit là sur l'approchement de ses nopces; par quoi, quand l'aventure le rendoit ainsi, que ce neble homme ici estoit pris pour mes-fait, et que justice l'osoit faire à partie requérant, ly qui désiroit à porter grace de roïde justicier et de prince cremu en face de toutes nacions et de toute sa noblesse, voult monstrer sa rigueur à l'exemple de son corrage, pour donner peur au monde , veuillant monstrer que par plus forte raison moins donroit d'espargne à ungs et aultres de bas lieu, quand au bien noble sang de son pays, il refusvit miséricorde en maléfice. Dont ly , qui estoit prince de currage , et estoit nouvellement venu à seisneurie , et voloit justice maintenir etmettre sus, et estre cremu et doubté , et donner exemple du ploy de son regner, voult entamer et encommencier en ce noble fils, pour miroir. au futur; jà-soit-ce que aulcuns disoient que, se l'on n’eust secrètement bouté à la charette du bastard, pour l'omicide tant seulement dont il estoit plainte ne fust pas mort, mès il y avoit, ou aultres langues, ou aultres mystères estranges qui l'avanchoient (4).

(4) Il y a ici dans le manuscrit une lacune de quinze

colonnes, bien que le n° 8349 n'indique aucune ” lacune dans la table des chapitres , le chapitre qui suit venaut cxactement après celui qui je viens de donner.

CHRONIQUE DES DUCS DE BOURGOGNE.—IIT PART