CHAPITRE XX VI

Comment le comte de Ligny, après avoir fortifié la frontière, retourna devers le duc.

Le comte de Lagny, voyant que son désir ne se povoit accomplir se par force non, et encoires non bonnement sans grand péril, différa pour lors et dissimula. Et pour satisfaire aux nobles hommes pris sur son saulfconduict monta à cheval, le lendemain; et bien accompaignié de gens de bien. s’en vint à l’ost des Anglois véoir le comte de Hartindon et Cornuaille , et là, après beaucoup de langaiges et de bonnes chières, donnant assez à copnoistre son desplaisir de son saulf-conduict enfrainct, leur recommanda messire Karados et les autres prisonniers , en espoir que sa pryère leur deust valoir. Mais c'estoit prière sans fruict; et peu leur en fut de mieulx, car qui fut prins demoura prins. Et messire Karados , et Charles de Flavy furent envoyés en Angleterre, dont de lon temps n'eschappèrent, et encoires à bien dure finance.

Si s'en retourna ledict de Ligny troublé à tous lez en la vi:le de Roye, et congréa la plus part de ses capitaines et gens d'armes, ets'enalla avec Hector de Saveuse tant scullement mectre partout garnison en ses forteresses sur la rivière de Sere et sur les marches du Lannois, pour les gens du daulphin retrais en grand nombre à Crespy en Lannois ; et establit Hector par demeure à Novion-le-Comte , comme

chief de toute celle frontière ; et s'en retourna en sa maison de Beau-revoir vers sa femme, er là s’appresta pour aler avec le duc, son maistre, au voyaige que très brief devoit faire devers le roy.