CHAPITRE XX V

Comment le comte de Ligny envoya requerir la pugmition des deux bastards qui avoient violé le saulfconduict.

Or estoit retourné Hector vers son capitaine , le comte de Ligny; et entièrement luy conta comment la chose estoit advenue, et la destrousse que les Anglois avoient faicte , ensemble aucuns autres de son armée, grandement à sa foulle et à son déshonneur pour l’amour de son saulf-conduict. Si en fut ledict comtesitroublé et yré quil n'en povoit plus, et souvcrainement pour ceulx qui estoient soubs luy, parquoy tout esmeu de couroux envoya prestement vers le seigneur de Croy, luy signilier qu'il luy envoyast Butor, son frère, le bastard, lequel du grand blasme et offence faite envers luy, par rompre son saulf-conduict, il vouloit pugair ; et manda pareillement au sire de Longueval pour avoir le bastard de Dunoy, frère de sa femme. Les deux seigneurs Croy et Longueval, peu accoutans à tel commandement de rigueur , et eulx sentans non foibles, reffusèrent tout plat l'envoy ; et disoient que ainsy n'estoit pas à pugnir leur sang, encoires par couroux et par haulteur, c mbien que leur mes-pris leur desp'!aisoit assez, cedirent. Etadontles messaiges véans les peu estre enclins à vouloir obéyr audict comte, renforcèrent leur Jangaige , et, comme leur maistre leur avoit donné encharge,

GEORGE CHASTELLAIN

redoubloient de rechief, et disoient : que se ils ne les delivrassent et tramissent audict comte , luy meismes les viendroit querre à force en leur logis. Dequoy Longueval respondy bien aigrement, et comme très mal content, que il ne luy conseilloit pas de y venir,et que s’il y venoitetil ne fust le plus fort, il re les ameneroit point, car l'ayderoit plus tost à tuer luy meismes. Desquelles parolles rapportées cet haultement levées, avec plusieurs autres , il s’en engendra une très grand hayne entre les deux parties, qui depuis dura longuement bien aigre. Tuutesvoies n'y eut autre force faicte pour celle heure, car les bastards , acteurs de ceste besongne, se partirent secrètement et prindrent le large où bon leur sembloit.