AG

ment périlleuse et pleine de maulvaises influences, comme de mortalités, par toute terre, bien orrib'es , et de malvaises emprises par malvaises gens, les uns par traysons et les aultres par aultres crudélités. Etmurmuroient peuples et gens des bonnes villes; et princes se mesfioient les ungs des autres; et n'y avoit nulle part climat de terre, là où il n'y eust troubles. Bringans et desrobeurs de gens couroient par pays ; et soubs ombre de gens de guerre , tant de France comme de Picardie, faisoient maux sans nombre; tant que le duc, par les plaintes qui ly en venoient, print en ly mesmes et en son propre avis de mettre sus ung prevost des maréchaux ; et entre les autres constitua en cely office ung qu'il avoit choisi tout propre , nommé Mailloitin du Bac, natif de Sainct-Omer, non fort cler homme ly mesmes , ce disoit l'on, mès haut et àigre en emprendre ce que autre n'eust volu faire.

Si fit icellui Mailloitin de grandes et dures exécutions par le pays de Picardie ; et sur le mot de son maistre en fit exécuter grand nombre ; et n'espargnoit ne grand ne peüt, tant que à estre esmerveillés tous les plus hupés, dont aucuns se despaysoient et les autres se muchoient.

Comme doncques le duc par ‘lechà fesoit nettoyer ainsi son quartier par son prévost, qui se délitoit à faire pendre gens, le comte de Sainct-Pol, connestable de France, faisoit nettoyer son quartier aussi tout en pareil que l'aultre; et fit pendre et noyer sans espargne gens d'armes et autres qui se contrefaisoient, et travailloient les povres gens. Dont |y, fesant son devoir par delà comme souverain justicier de France, et le prévost par deçà pour et au nom du duc, le duc devint à estre tant douté et tant cremu en roide justice , que toutes gens mesfais et sur-clamés trambloient seulement d'en oyr le nom; dont pluiseurs ont esté trouvés qui se despaysoient ou alloient en loingtains voyages cuidass fuir leur male fin. Et certes bien faisoit besoing alors ; car les pays çà bas estoient si pleins de malvaise garçonnaille et de malvaise trusson que tout estoit perdu et gasté ; et se commettoient tous les jours par divers lieux inhumainement meurtres et vilains faits, aussi coustumièrement comme il est d'aller par rue; n'estoit

ne honte ne abhominacion de tuer gens, ne de les vilener et desmembrer pour ung mot, non plus qu'il est de boire. Tous les pays gisotent subsects à gens de huiseuse, compaignons de la facque ; houvers, putiers, rufliens , hennebenaes, buveurs de vin et gasteurs de draps, qui nés cstoient pour boire eaue et mener la charrue; et maintenant, pour ce qu'on Îles avoit ainsi souflert croistre , soubs ombre que aucune fois on en avoit eu affaire en temps de murmurcs et de rumeurs entre le roy et le duc père et fils, ils estoient tant multipliés par les bonnes villes et si enrachinés dedens, que le nombre en passoit le trop ; desroboient et destroussoient baudement gens par nuit en pleine rue, et leur ostoient les bourses, et les ruoient à rivières, tous desguisés ; et faisoient tant de maux, en tel lieu fust, qu'il estoit besoing que tel roide et aigre mordant bras les venist comprimer et rebouter, ou nul n'eust eu riens sien ne par champs ne par ville, si bien en Flandres que ailleurs.