CHAPITRE CLXXITI

Comment le duc Charles, par la grand justice qu'il maintenoit, estoit cremeu en ses pays.

Ceste justice doncques ainsi mise sus par les pays du duc du costé de France, elle don- ‘ noit au duc de Bourgoisne dure cremeur ; et à luy ce lui estoit aussi une clère preparacion de son armée. Car en armée il siet à ung prince estre cremcu et obéi, redouté des malvais et honoré des vaillans, et de tenir riégle et ordre entre eulx qui sont à prisier ou à corrigier ; car en cela pend la gloire et le salut de tous grans osts et de tous grans princes. Or estoit le duc Charles parti du Quesnoy fièrement en armes, et |y mesmes armé de toutes pièces, tirant vers Péronne, là où il vint et se tint dix ou douze jours, tant que ses monstres fussent faites, et que tous ses gens se trouvassent ensemble, qui furent en nombre environ de vingt mille pris. Et en estoient souverains capitaines : messire Adolf de Clèves, le bastard de Bourgoigne, le comte de Marle , messire Jacques de Sainct- Pol, le seigneur d'Aymeries et plusieurs au-

GEORGE CHASTELLAIN

tres, sans compter les Bourguignons, qui venoient sous la conduite du maréchal de Bourgoigne, environ huit cens lances; lesquels tous mis ensemble, Flamands, Picards et Bourguignons, furent environ, comme l'on disoit, quinze ou seize mille combattans, gens de bonne estoffe. Et estoit une chose doubtable, ce me disoit l'on, de les veoir en champs , tant y avoit de monde ; car y avoit si grand charroy et tel monde aveucques qu'il ne seroit à dire, et tant de suivans, marchans, pionniers et manouvriers et de vitailleurs, que la multitude n'en fesoit à comprendre. Si estoit France toutte pleine de cestui merveilleux ost que le duc mouvoit et préparoit de bouter avant encontre ses contrarieurs ; et trambloient les marches par où on craignoit le passage , et toutes terres voisines en frémissoient de l'approche.