CHAPITRE CLXXXIIL
Ici fait l’aucteur une fgénérale objurgation à l'encontre plusieurs nobles et autres qui vicieusement vivent,
En ceste généralité que je mets, sur tous les princes, et dont , à la vérité, on cognoit à l'œil ce qui y est, je n'accuse nullui ne ne donne charge par exprès, fors d'autant que chacun en soy-mesmes et de soy peut jugier ce qu’il y a de coulpe; ct ne m'est ne haine ne amour envers nulluy, cause plus de l'ungque de l’aultre. Tous me sont honorés et recommandés, 1més et doubtés ; mès amèrement me tient et fait grief, souverainement en ce royaulme, que de tant de nobles vaillans princes, hommes aisés de corps et doés de vertu, d'entendement et de sens, j'ay si peu de cause de escripre en haulte recommandacion. Mès ce que je plains et ce qui m'est dur, c’est que je me treuve contraint, se je veuille satisfaire à ce que les temps portent et rendent, que je moulle ma plume en leur honte et opprobre, et en détester leur odieuse mauldite vie toute enténébrée de confuse laidure, acharnés lung sur l'au'tre, comme tigres ramagés que seule sensualité féroce conduit sans entendement envers le ciel; et souffrent le divin opprobre multiplier et croistre ; la foy crestienne succomber et cheoir devant leur nez, en pollucion infidèle ; l'ennemi de Dieu prévaloir sur l'église, et les prochains environs de France gésir en prochaine menace de perdicion; et n'y acontent ne ne s'en deullent. Ains, ce dont deussent servir Dieu, les terribles praticquées puissances des vailläns hommes, leurs innom-
GEORGE CHASTELLAIN
brables et excessifs denierset argens que ils rapinent et prendent sur le povre menu peuple, leurs sens, leurs entendemens, et toute leur industrie, tout ils l'exposent au service de l'ennemi, tout le convertissent en excitation de divine ire; et veuillans miner et déchirer l'ung l’aultre aux dens et aux ongles, comme chiens rabis, ne veulent que’perdre et désoler le mond:, et faire lucre’et donner joye au deable ; et infament et diffament l'ung l’aultre; et se publient et se font prescher inhumains tous deux; et se scandalisent ès malipnités volontaires, et dont le ciel mesmesles reboute et confute ; et de quoi tout le monde se doibt plaindre, quand dignité royale et princiale est si à bas venue, que d'estre entéchie de tels vices. Dieu y pourvoie!
