CHAPITRE CLXXXI V

Du retour de Jehan d’Arson qui avoit esté devers le äuc de Bourbon , et de ce qu’il avoit besoignié pour le bastard Baudewyn. |

Or venons à matère. Ce Jehan a arson aoncques, après avoir fait ce qu'avoit de charge de son maistre le duc de Bourgoïgne , et obtenu devises aveucques le roy, teles que avez oyes, fit son retour devers ledict duc, son maistre , et lui fit relacion sur l'estat de ce qu'il avoit besoingné aveucques le duc de Bourbon; mès ne descouvrit point pourtant le malvais corrage qu’il avoit devers ly, et de quoi il avoit tenu parlement en son contraire. Si coule et lesse tout ceci, et viens à messire Baudewyn, le bastard, qui fit grand feste du retour de cestui, en espoir d’avoir nouvelles du roy, d'aulcune recoivre , laquelle il désiroit fort. Si lui conta Jehan d’Arson, du long et du lez , les devises en quoy le roy l'a. voit mis; et lui avertissoit que s'il vouloit entendre à complaire au roy en telle matère, la rétribution en seroit si grande qu'à tousjours il s'en sentiroit; et lui aideroit à mettre en ses mains bonne ville ou pays du duc Charles ; car y aroit largement grand butin pour beaucoup de gens, quand à cela venroit. Si s'y accorda prestement messire Baudewyn ; et dist, par ses bons dieux! qu'il oseroit bien

1468] “-emprendre la chose, et la mettre à effect, #onobstant qu'il portoit le nom de son frère bastard. Mès dire fault que ce lui movoit d'ung malvais sang et d'une desléale faulce nature, quand encore il n’eust esté que son maistre et son nourrisseur , d'entendre à Lel murdre. Est vray toutefois, que l'en a trouvé depuis, et attaint au vray, que l'original commenchement de tout cecy fut practicquié et mis avant par le seigneur de Crussol , ung chevalier prochain du roy et bien à sa main, et lequel chevalier le roy avoit envoyé devers le duc Charles, à Lille, assez tost après son retour de Liége en France, pour entretenir , <e faisoit à croire, amour et union entre le roy et ly, et y faire chose de grand fruit ; et le cuidoit chascun ainsi, et le duc meismes tout tel; mès en faisant assez long séjour par dechà, enl'ostel du duc, et en allant de ville à aultre aveucques ly, ledict chevalier s’ac- <ointa fort de messire Baudewyn; et furent Souvent en privées solitudes ensemble et en estroites devises; et là dict-l'on que le premier cempact fut faict de ceste bonne euvre.

De par Dieu! et se trouvèrent deux malvais d'ung commun accord en malice. Et maintenant, quand Jehan d'Arson s’est trouvé devers le roy, et accueilli du seigneur de Crus- 0), qui jà avoit basti tout le cas, et estuit ce Jehan cogneu estre privé et bien à main de ‘ messire Baudewyn, le roy hardiement, aveucques le moyen du seigneur de Crussol, s’en descouvrit à ce Jehan d'Arson, lui remonstrant comment il estuit de son royaulme et son subject, et qu'en ly se devoit mieulx fier qu'en ung estrange, et luy aussi estoit tenu de voloir son bien et de son royaulme devant nul aultre; et pourtant, comme ce duc estoit l'omme du monde que plus devoit hayr, et dont ly et sa couronne avoient plus porté et receu de foule ; et dont il ne se pooit vengier à son bel ne à son appétit, ne désiroit que sa mort, comment que ce feust, mès qu'il en feust quitte. Ce furent ici les argumens et les couleurs du roy, dont il persuada ce Jehan d’Arson; et par doléance qu'il fesoit du duc Charles, justifia sa cause estre belle, ce que non; mês se procura ung grand blasme, jàsoit-ce que aultrefois, seipt ans par avant,

CHRONIQUE DES DUCS DE BOURGOGNE.—III: PART

tard de Reubenpré, qui en fut pris et rattaint du vivant du père , le duc Philippe, comme le conte en a esté faict en son lieu, et par quoy maintenant je m'en déporte.