CHAPITRE CLXXXVIL
Comment le comte de Warwyc mist hors de prison le roy Henry, et comment il tira le peuple de sa bende, par bel remonstrance qu’il fist.
Je diffère encore une espace le conte de ceste conspirée trahison; car encore n'est point venu le temps là où elle fut rattainte et sceue, comme par grace de Dieu. Et avindrent plusieurs grandes choses entre deux , et dont il loist faire mention, pour cause qu'elles servent au différent qui estoit en ce temps entre le roy Loys etle duc Charles ; c'est du fait du royzulme d'Angleterre, dont ledict roy s’attendoit d'en tirer la joie pour y, par la ruyne et expulsion du roy Edouard (1), au moyen du comte de Warwic; et le duc Charles en l’autre lez d'en avoir mesmes fruit et joie par son régner et durer maugré tout homme. Mès ainsi n'avint point : car sitost que le comte de War wyc se trouva descendu en Angleterre, après son retour de France, comme il a esté conté, et que multitude de communes du pays de Kent s'estoit tirée devers ly aveucques aucuns nobles, de jour en jour croissoit sa puissance ; et béant de venir à ses fins, comme de déchassier Edouard dehors, et de remettre en son throne le roy Henri(2), tenu prisonnier en la tour de Londres: déclaira au peuple sa
(4) Édourd IV, premier roi de la maison d’York. (2) Henri VI de la maison de Lancastre.
volenté; et sachant que moult de peuple y avoit son affection, et que le corrage de peuple est mobile et variable, et ne quiert que nouveau seigneur tous-jours , et que le roy Hesri leur estoit en cuer, les persuada de moult belles paroles et leur dist: que jà-soit feust-il ainsi, que autrefois il avoit esté contraire audict Henri et avoit eslé cause de sa ruyne, cuidant bien faire et servir à la chose publique du royaume, toutes-fois maintenant, revenu à cognoissance du tort qu'il lui avoit tenu et fait, et dont il estoit repentant, en acquit de sa conscience, luy voult réparer son injure et le remettre en son estat de devant, comme vrai roy droiturier de la couronne sur tout autre. Dont, et du délit qu'il en avoit fait à malvaise cause et par malvaise informacion, présent tout ce peuple, il en prioit merchy à Dieu. Et soi ruant à genoux devant eux , leur en requist merchy et perdonnance.
Etalors vousoyssiez tout le monde crier : « Vive le roy Henry! vive mylord de Quine (4) Henri!» Et là obtint Warwyc et acquist le bruit et la grace du peuple par ceste manière de faire; el se tint comme asseur quasi alors petit à petit d’avoir tout le royaume pour 1y, et d’y faire ung nouveau monde , comme il fit voirement; car aveucques ce que plusieurs seigneurs et barons du pays se venoient joindre à ly, qui tous-jours avoient esté du parti du roy Henry céléement, mès ne s'en estoient esé déclarer, ledict de Warwyc, jour après autre, tira toujours’ avant jusques à Londres, là eu arrière trouva des faveurs assez, et aultres aussi beaucop, et grand nombre de contraires et maintenans le roy Eduard. Enfin toutefois , et comme Edyard n’y vint à deffense,
Warwic mist dehors la tour de Londres Henry ? et l’assist en throne royal, etle fit publier et crier roy d'Angleterre en confusion de Eduard , promettant au peuple tout salut et prospérité leur approchier et estre à veair par icely, de la part du roy de France et de tous les Franchois, et gaignages et conquestes et rapines sur le duc de Bourgogne et ses pays, qui estoit une des fins prin-
(2) My Lord the King.
(*) Le comte de Warwick fit sortir Henri VI de priava , le*6 octobre 1470 et le rétablit sur le trône.
di
CHRONIQUE DES DUCS DE BOURGOGNE.—III° PART
cipales à quoi il tendoit , à l'appétit du roy Loys , aveucques l'expulsion du roy Eduard hors du royaulme , et d'en avoir le gouver nement.
