CHAPITRE CLXXX VI

Comment Jehan de Chassa fut fort plaint à la court, pour ce qu’il se transporta en France, abandonnant le duc Charles.

Or avoit grand murmure en court de ce chevalier qui s'estoit allé rendre Franchois : et n’eust l'on en pièce pensé ce qui l’avoit eu; ains le plaignoit chacun de quoy ce avoit esté le premier de l’ostel qui avoit monstré ceste lascheté , et dont on se feust le moins douté ; car estoit nuement subject du duc et de sa souveraineté; et de toute sa chevance estoit tenu au duc. Car le duc Philippe l'avoit donné à son père le Benetru , faisant e fol; et cestui, le duc Charles l'avoit reconfermé au fils, pour ce que gentil fils estoit ; ‘ sien devoit avoir moins de soupechon. Nonobstant toutefois , si tourna.il , tout bénéficié, en ingratitude , et son estre et sa naissance

en mescognoistre ; et quérant lieu et occasion de pouvoir faire sesyurres, que par de çà ne pooit, mist honneur en oubli et s'alla rendre ennemy à son prince et à son maistre. Et ne pensoit-on autrement à celle heure, fors qu'il s’estoit allé rendre Franchois, tant seulement pour s'avancer en biens et entretencmens, pour ce que par de chà n’en avoit tant comme il désiroit, et qu'il y devoit grands sommes; mès quand on a sceu depuis la cause de son transport en France, et la desléaulté de son. pourchas, tout mis l'ung aveucques l'autre, a esté trouvé impie, ung malvais homme, ung lasche , desléal chevalier , blasmé de tout le monde, et dont le partement a esté honteux, et encore pieur la cause d'icely.