CHAPITRE XX VIII

Comment le duc fit mandement à tous ses pays ets'en alla vers la duchesse Michielle de Gand à Arras.

Le jour approchoit fort que le duc Phelippe de Bourgoingne avoit délibéré à estre vers le roy, ensemble avec luy l'ambassade du roy anglois qui Fattendoit. Rallé s'en estoit en sa ville de Gand soy aviser de tous ses affaires,

.et souverainement sur son voyaige devers le

roy, là où il vouloit et désiroit bien estre acompaingnié, et comme il devoit. Si fist ung très grand et destroit mandement sur tous ses pays; et commandoit que tous ceulx qui avoient apris et à qui il appartenoit à porter armes, se meissent sus et s’apprestassent pour l'accompaingnier à sondict voyaige. Ce fait, luy et la duchesse madame Michielle, partirent de Gand et vindrent à Arras; et là estably son chancellier maistre Jehan de Thoisy , preud'homme, évesque de Tournay.