CHAPITRE XXIX

Des trèves qui furent publiées entre le roy de France et le roy d'Angleterre, et comment les faubours de Clermont en Beauvoisis furent brulés par les Anglois.

Grand fut l’assemblement à merveilles de gens d'armes qui luy vindrent de toutes pays; et les faisoit moult beau voir en leur appa reil. Et luy meismes de sa personne se mist

sus, comme à sa haultesse apartenoit de se monstrer en guerre en sa première armée, car grans estas de habillemens ne d’autres beubans ne luy affèroient point pour l'amour du deul. Par aucuns jours tint son séjour à Arras , jusques gens de toutes pars fussent arrivés , et son armée en point pour partir. Si advint que pendant les meismes jours, ung samedy après les rois, furent criées par toutes les villes de l'obéissance du roy et du duc de Bourgoingne les trèves entre le roy de France et d'Angleterre’, prenant depuis Paris jusques à Bouloigne sur la mer et jusques à Troyes en Champaingne ; et duroient lesdictes trèves jusques à my mars, sur attente d'avoir accord et finable paix ensemble; après lesquelles trèves nulles villes ne forteresses contraires audict roy et duc de Bourgoingne n'estoient comprinses, où que elles fussent scituées. Parquoy trois mil Anglois, soubs la conduite du comte de Hantindon et de Cor-

nuaille, tantost après les trèves prises , alèrent

devant:la ville et chasteau de Clermont en Beauvoisis , laquelle , par une très grant haultaine ils assaillirent très aigrement; et la cuidoient bien emporter par armes; mais très vaillamment fut deffendue, et n'y porent rien faire. Et pour ce que aucuns de leurs gens de bien y moururent , et autres y receurent grand meshaing de corps, par despit et par revenge de leur annuy, dont ilsne povoient avoir autre chose , ils boutèrent le feu en ung fourbourg qui s'appelle de Saint-Andrieu, et ardirent maintes belles maisons qui y estoient, puis fourrèrent toute la comtéhaultet bas , et en amenèrent ce qui y estoit de bon; et atoutleurs proyess'enrallèrent en Normandie.