CHAPITRE CLXXXIX
De la venue du comte de Warwyc en Londres , qui fit grand joie-aux Franchois pour la dépression du roy Eduard et de ses alliés.
De ceste venue en Londres du comte de . Warwyc, et d'avoir prospéré si avant, fut faite grande joie entre les Franchois.'Et se bagnoit le roy Loys en roses, ce lui sambloit, d’oyr ceste bonne aventure; car estimoit bien par ce moyen le royaume estre pour Warwyc, et par conséquent fortrait de la main du duc de Bourgoigne, qui en manachoit toute France Si en fit le roy grand joie et grand feste; et continuellement y avoit messages allans et venans entre Warwyc et |y, pour reconfert l'ung de l’autre. Et portoit ainsi le temps alors, que se le roy Loys hayst le duc Charles de venm et de mort, Warwyc ne le hayst riens moins pour cause du roy Eduard, jurés ensemble. Et-par ainsi, ce que Warwyc prosperoit en Angleterre, estoit à la joie et consolacion du roy Loys de France, et ce que Eduard déclinoit, estoit à la confusion et opprobre du duc Charles de Boürgogne, qui encore avoit son attente toutesfois et son espoir en l'assemblement de son beau-frère , le roy Eduard, pour deffendre son royaume ; et de quoi toutefois il tira peu de fruit enfin, car n y avoit defense ne demie.
Or veissiez à Londres tout le monde prendre le rave-stoc, qui veut dire un baston ventilleux, livrée du comte de Warwyc. Et ne s’y osa trouver ne monstrer homme qui portast la rose. En Calais mesme cheurent en division l'ung contre l’autre, et prindrent ceux qui soloient porter la rose le rave-stoc en grand multitude. Aultres grand nombre toutesfois et fermes à Eduard, portoient la rose toujours. Et vindrent aucunes fois en confliction l'ung contre l’autre dedens la ville par ceste manière de faire; et [à où -le seigneur de Duras, gascon, commis capitaine de la ville de
141 L'abbive de Wesimissvs
GEORGE CHASTELLAIN
par Eduard , avoit moult dur à souffrir, et setrouva malement honteux et perplex souvent ; car véoit messire Jehan Wanneloc, capitaine du chasteau, homme fort double el variable, et ployant et vaucrant merveilleusement à tous vens, sans fermeté ne arrest, fors au plus fort; et parcevoit bien que honneur et francise n’avoient point tant de lieu en lui comme cauteleux temporisement. Si en avoit moult d’ annuy et de deuil, qui, pour léauté et francise maintenir , avoit abandonné propre terre et patrimoine, grand seigneurie et grand estat aveucques le roy Charles, s’il se feust volu. rendre Franchois. Mès prisant povreté en honneur et en maintenue léauté devant toute richesse du monde, en reproche de foy, s'estoit venu rendre Anglois, saudoyer de Calais, qui, en Guienne, estoit ung ‘des.
grans barons de Îa terre pour mesme payer les saudées. O noble francise de gentilhomme! et que devois-tu penser ici, et comme mal te devoit faire, tu qui estois si grand homme de naissance et mis aveucques les sacquemens d'une ville, et non tant prisié que d’estre mis en royale court? Pour toutes tes pertes, il t'a convenu chanter et hurler, ployer et fléchir à l'appétit d'ung grand tas de vilains sans honneur et sans raison et sans foy, encontre ta nature! et qui plus est, ceux qui deussent estre nobles de fait et de corrage, et toi deffendre en ton honneur et léauté si approuvée, se sont et ont esté ceux qui t'ont dérelainqui et mis à l'abay de confusion mesmes et en.
péril de ta vie ! O seigneur de Duras, ta léauté te a esté loable et de grand mémoire ; mès tæ fortune t'a esté dure et escharse de l'avoir tournée en telle nacion, dont oncques bien ne se peut escrire sinon en péchié.
