CHAPITRE CXC

Comment le comte de Warwyc se maintint en Londres,et des grans outrages qu'il fit sur ceulx dw pays d'Eduard. &

Je n'ai point fait fortes enquestes de ceste matère , ne comment le comte de Warwyc se maintint en Londres, ne comment Eduard se mist sus et se prépara à la deffense de son royaume contre ly, car peu m'en a esté et.

est de faveur, et peu y attens de loenge ou de mérite, par y avoir fort laboré ; mès tant en oys-je en ce tems et appris, que ledict de Warwyc, qui estoit homme cruel là où il estoit à son desseure , fit des grans outrages beaucoup en Londres , et par espécial sur eeux lesquels savoit estre du party de Eduard , et en fit executer tyranniquement ; usa de volentés en la maison des grans marchans; et n’y avoit ne justice, ne règle, ne ordre en tout le royaulme; tout y alloit ce dessus dessoubs : les marchans preud'ommes s'en espoentoient ; les nations estranges s’en lamentoient, et s’en feussent volentiers enfuis ; mès ne pooient. Tout y alloit contre poil et contre ongle; y avoit ung roy assis en chaière; autant y eust fait ung sac de laine que l’on traine par les oreilles. Estoit une ombre en une paroit (1), et un seigneur comme cil que l'on buffette as yeux bendés (2). Les commandemens se faisoient de par ly, et les exécutions se faisoient contre [y, et encontre son honneur : le roy y estoit subgect et muet comme ung veau couronné, et le subgect y estait gouverneur et dictateur du royaulme, et faisoit à son roy la moe: tel gouvernement y avoit-il en Londres et non mieux en Calais.

Une chose fit Warwyc; ce fut qu'à l'instant quand il avoit assis Henry.en siége, il fit crier et publier la guerre en Calais, partout , au duc de Bourgoigne ; et le roy Loys, tout en pareil fit crier amour , union et sauf repaire à tous ceux d'Angleterre en France, qui y estoient et seroient du party du roy Henry, et enemisté et defiance à tous ceux du costé d'Eduard et de ses ajoins. Et sambloit bien au roy Loys, en ce nouvel instant, que lout estoit pour ly pour celle heure en Angleterre, et que fortune à peine n'en poroit autrement disposer, qu’Angleterre ne demorast toute sienne , et contre le duc de Bourgoigne. Et à l'exemple de ce fut rapporté et dit pour vrai : que le roy ici, de la joie qu'il avoit des nouvelles de Warwyc, qui avoit cslevé et remis en estat Henry, fit faire autre commandement par tout son royaulme : que par trois jours durans on fist processions générales, et feux

4) Murañe. ‘ {7 Au jeu de Coun-Maillard.

CHRONIQUE DES DUCS DE

BOURGOGNE. —IIl° PART. 487

et festes, sans labeur, de la grace que Dieu avoit envoyée aux Franchois, de leur avoir remis en main ung roy en Angleterre, qui estoit du sang de France et de l'amisté, et appertenant à la couronne, si prochain comme cousin germain, et d’avoir rebouté et expuls le vray ennemy, persécuteur et manacheur des Franchois, Eduard, soubs la jonction du duc de Bourgoigne. Mesmes ceux de Tournay en firent les feux et les processions telles que j'ai dites, à grand feste et joie.