CHAPITRE CXCI
Comment le duc Chaïles sceut toutes les nouvekes par delà , et que toute sa diligence ne prouffita riens à Eduard
J'estoie en court à ceste heure, quand toutes ces choses ici se firent, et qu'on les rapporta teles au duc, qui les print en pacience tellement quellement. Et mesme en fit ses contes ; car autrement faire ne povoit, comme il savoit bien que les choses humaines et les faits des royaulmes et seigneuries pendoient toutes en la main de Dieu et en son ordonner , et les convient prendre en la nature de leur venir teles qu'il lui plaist les envoyer ; car sens d’omme n’a point de lieu, là où les fais de fortune ont dpération secrète sur opinion commune. Ceci dis-je pour le duc, qui avoit grand intérest, et qui cognoissoit bien et véoit que tout ce brouillis ici, et ceste mutacion en Angleterre estoit pratiquée pour ly par le roy Loys et Warwyc ensemble, pour le desfaire et non pour aultre fin. Principalement et à ceste cause, lui sçaichant ce, et afin de conforter son frère le roy Eduard({), qu'il ne succombast sous les malices des deux, ce duc maintenoit sa puissante fière armée sur mer, à grans cousts et despens, pour cuidier rompre leur convine ; et envoya au roy Eduard toutes les adresses de conseil que pooit, hui d'une manière, demain d'une autre, afin de soi porter sagement et vaillamment en cestes ces machinacions contre ly. Mès tout enfin ne servit à riens; riens n'y porta ne fruit ne effect. La ma-
(4) Charles avait épousé en 1468 Marguerite , sœur d'Édouard IV.
hce des deux pour ce temps ici porta fleur et fruit; et vindrent à leur intention, pour une grande part; et la diligence du duc Charles, aveucques tout son pooir et conseil en celui endroit, fondit tout et tourna à nient en l'exécucion de Eduard, qui estoit en Nort et se préparoit, ce disoit l’on, pour venir contre Warwyc, trois jours après la bonne heure; non pas que je ce lui impute à lacheté, ne à faute de vaillance, mès à ce qu'il n'avoit pas ses gens si prests ne si à heure comme il eust bien volu; et peut estre aussi que fortune alors ne le vouloit pas ainsi, pour en faire sortir fin plus grande et plus admirable , ne savoit-on pour qui.
Vray est toutesfois que se le roy Edouard eust mis à effect temprement et de bonne heure le conseil du duc son frère, et lequel il lui avoit signifié par ung vaillant écuyer nommé Anthoine De La Mer, ce fut qu'il s’en feust venu saisir Calais en tandis que Warwyc estoit encore en France, et ]à où Waneloc lui eust fait ouverture, et en pareil le seigneur de Duras, et ne lui eust-on osé contredire , il eust tout espoenté le roy Loys et Warwyc, et fait confus et camus en toutes leurs malices; et feust demoré paisible et tranquille en son royaulme maugré tous; ou à l'autre lez, s’il eust pris et levé subtillement le roy Henry de la tour de Londres, par beaucop de manières qui estoient dressées et bien faisables car y avoit kervelle avantageuse merveilleusement qui gisoit en la rivière de Tamise, toute propre à ce pour le rechevoir, Eduard , par ce moyen eust osté à Warwyc tout l'instrument de quoi il se pooit aidier pour rentrer en Angleterre; et le duc Charles l'eust eu en ses mains, bien bors du commandement de toute France et d'Angleterre, ses contraires. Mès, comme j'ai dict, je ne sçay se Dieu l'eust volu ou non ainsi avenir, mès toutefois le sens de l'omme ne profila riens ici au roy Eduard, quand y-mesmes ne sceut oncques mettre à effect ce qui estoit de son salut. Promist toutefois assez, et afferma de le faire; mès oncques n'en fit riens. Si en porta dur anuy le duc Charles; et dit bien qu'il ne se voloit point aidier, ce percevoit bien; mès au fort, ce dist, quand il se soufriroit perdre
GEORGE CHASTELLAIN
et bouter hors de son royaulme, si demorroit-il duc de Bourgoigne et de ses autres pays, et feroit tout à part ly, au moins mal qu'il poroit.
