CHAPITRE CXCIIL

Ici parle l’aucteur ung peu des moeurs et estranges fa- chons de faire dudit roy de France.

Ceci ne dis-je point toutefois en charge du roy, pour parer le duc Charles, ne que je désire à condempner et déturper l'ung en sa cause, pour embellir l'aultre; car dur m'est et amer que les temps et les personnes ne rendent ainsi que j'en puisse escrire em grand los, et que leurs fais ne se comportent entièrement à vertu, aussi-bien comme ils les tournent ambe-deux à désolacion du monde, c'est ce qui m'a donné et donne cuisance en cuer, et que les nobles excellentes personnes , introduis de la foy et des divins exemples n'entendent pareillement à haultes nobles euvres, en ensievant leur estat, comme ils font à toutes choses de ruyne et de reproche, pour obéir à leurs vicieux corrages. Une chose est, se vérité se seufñlre escrire : ce roy Loys ici, sans touchier à sa conscience ne à ce qui estoit en l'omme par dedens, avoit beaucop d'estranges fachons de faire, non de grand pris par dehors, et lesquels estoient si patentes et si communes , que mesme tous les princes de France s’en doloient , et non moins les petits subgects. Et depuis tout le temps qu'il estoit devenu homme, on lise et quière ses fais, ses condicions et ses meurs, l'on y trouvera plus de trouble beaucop que de cler ; l'on y trouvera sédicions et ruyne partout où il est venu, vie voluntaire et desréglée, et qui s’est servi de maisnie de meismes, plustost que des bien moriginés. Son père, le roy Charles, en faisoit bon accroire , qui, par bien le cognoistre , lui donna tous ses tiltres; Dieu scet comme fais ! |

Se doncques je déclaire ce que j'ay vu en l'homme , par condoléance et non pas par hayne, et que je complains ses vices et povretés , dont tant de maux ensieuvent et tant de turbacions au peuple, et que je cognois et sçay qu'en ce faisant je ne pèche point ; et qu'il n'est point perpétuel, ne que Moy; et que des roys d'Israël ,. en temps passé , On &

escrit, et des roys de France tant moins on en a escrit; et qui bon, et qui moins bon, et qui cler et de noble affaire, et qui de povre et de malvaise condicion; et n'en sont poinct les littérateurs venus pour tant à mort ne à perdicion d'ame , ne reprochiés ne tenus à suspect de faveur ne de hayne, ne puis-je doncques, sauf honneur et salut, descrire les princes de mon temps tels que je Îles treuve, et tels que tout le monde les perchoit et cognoit par effect et par euvre. Certes, se les bien clers hommes méritent locnges par les bons vertueux exemples , ceux qui se desvoient doncques et s’aclinent à vicieux usages, s'acquirent aussi les tiltres confus. Dont , et afin qu'il ne me soit imputé que je veuille, ce sambleroit, détester les vices du roy, et moi taire de ceulx de ce duc Charles, par cremeur ou par faveur, comme qui seroie à ly et non pas à l’aultre, et voudroye par ce moyen, ce poroit sambler, justifier l’ung comme tout net, et l’aultre condamner obscur, sauve la (4). . . . .

de chacun; certes, ce je ne voudroie , ne en moi ne fut oncques.

Mès tant en o$è-je bien dire et maintenx :

Se le roy se feust contenu de ses vices monstrer au duc Charles, et de les exercer en ly et contre.ly, jamès ne se feust descouvert de nuls vices envers le roy, dont il eust deu faire plainte ; car ne lui eust ne formé ne meu jamès guerre ne rébellion, ne ne se feust porté envers |y, fors comme envers son souverain. Mès quand il a esté expert et appris de ses périlleuses conditions et meurs, et que ses subtils argus tendoient sur ly, il a usé du mesmes tel qu’il y falloit allencontre’, mofistré barbe de respondre à qui usoit de manière de menace; et tant se peut dire de ly,y mettre les vices qui(2). . . . . . . ..

qu'envers le roy n'a volu faire faulte ni user de déception ne de fraude ne de laicheté, ne de reproche, ne de nulle tricerie, ne mensonge. Bien a volu garder son pas en la nature et qualité de traictié faict aveucques ly ; l'a observé de sa part, tant qu'il a peu; et quand le roy l'a enfraint, il s'en est dolu et esmeu , et le lui a mis en reproche. Dont tout

(1) T-acune dans le manuscrit.—(2) Idem.

GEORGE CHASTELLAIN

ce mal icy est ensievy. Je n'excuse point doncques le duc de Bourgogne, et ne l'appreuve point sans vices et torfais; mès je déclaire les causes évidentes dont tous ces inconvéniens sont sours, et en quoi l'ung et l'aultre ont de coulpes assez, jà-soit-ce que par plus et par moins, ce est tout notoire.