CHAPITRE CXCIW

De l’assemblement de gens d'armes que Bst faire le roy Eduard, etcomment fut déceu par trop se fier en le frère de Warwÿc.

Je reviens donc à ma matère du roy anglois Éduard, qui véoit et savoit Warwyc estre en Londres, et l'avoir toute pour |y, par l'effort du commun peuple; mès au grief toutes-fois et annuy des notables bourgeois et marchans qui n'y porent résister, et qui eussent bien volu aultrement; car Éduard estoit fort amé entre eulx, et les avoit doulcement traictiés , aveucques ce que la personne de ly estoit agréable et belle, autant qu'oncques de veue d'ommes y eust eu prince. Or estoit-il comme j'ay dict, au pays de Nort, là où il fit son assamblement ; et prétendoit avoir grands gens puissamment , pour aller encontre de Warwyc, pour le combattre ; et de fait, en avoit la promesse et l'attente comme toute certaine de plusieurs grands seigneurs, et se fondoit et se confoit comme er ly meismes. Or avoitil emprès [y le comte (1).

frère au comte de Warwyc, son cousin-germain, auquel ce roy Éduard icy, par amour qu'il avoit à ly singulière, ainsi qu'on aime l'ung plus que l'aultre, lui avoit fait mercy et pardon d'avoir commis contre |y, aveucques son frère Warwyc, en la dernière bataille aveucques le duc de Clarence , et Ià où cestui comte, frère à Warwyc, fut pris et detenu, et Warwyc et le duc de Clarence eschappèrent etallèrent en France devers le roy, comme il a esté dict (2). . . . . . Ce jeusne

(4) Lacune. L'auteur veut parler sans doute du marquis de Montaigu, frère du comte de Warwyck.

(2) Je n'ai pas retrouvé la partie dans laquelle George Chastellain décrit tous ces faits. 11 s'agit du soulèvement dans le comté d'Yorék.

seigneur doncques , mespris ainsi envers son roy et souverain seigneur, ct qui ne véoit salut ne garant pour ly, fors de prier et faire prier mercy au roy de sa faulte et desléaulté, s'en mist en tout devoir , en lui promectant à tousjours mais avoir sa faulte devant ses

x, et plus encore sa royale mercy et miséricorde. S'il la pooit obtenir d'aventure, lui voloit et désiroit faire serment , que plus lui seroit ferme et léal désormais qu'oncques n'avoit esté malvais ne contraire ; ‘vivroit el morroit aveucques ly; tiendroit son parti et sa querelle contre son frère et contre tout homme ; ne jamès , ne pour mort ne pour vie, ne le relainquiroit ne ne l’abandonneroit.Dont le roy, voyant et considérant le personnage à qui il avoit faveur naturelle , ensamble les beaux mots qui procédoient, ce sambloit, du fontenis du cuer, le print à mercy; et depuis y fonda tant son amour et sa confidence, que autant se tenoit asseur de ly et de sa preud'ommie comme de soy-meismes ; et n'osoit à peine penser que fraude lui peust entrer en cuer envers |y.

O nature de vrai noble homme , et comme par toutes terres tu es à tost et à légier déceue; et par trop estre noble et de noble entière foy, tu chiés à estre trompée et escharnie de ceulx qui te doivent faire ciel et

throne, glorifier par loenges et par graces rendues, et en contraire te procurent et gardent mort et ruyne! O comme en a grand nombre et bien détestable, me doubte bien, "ailleurs que icy, ct qui ont rendu et rendent

mal pour bien, hélas! et amère doloreuse déception pour léaulté trouvée ! Et dont se jamès Dieu ne devoit tenir jugement que Jour tel cas, si est-il nécessaire et expédient que vengeance s'en fasse.