CHAPITRE CXCVI
Comment le roy fut perplex de novelles qu'il oyt, et comment, après plusieurs plaintes à ses nobles , lui convint prendre fuite à course de chevaux, avec sa noble compaignie.
De ces nouvelles fut durement perplex le roy Éduard, et non merveilles, quand au vrai et à l'œil parcevoit la desloïauté de son tant fiable ami et parent, lequel venoit approchant pour le tuer ou prendre. Print toutefois sa fortune en gré, et visa à en faire son preu à l'exigent du temps, qui le constraignoit à le flire brief. Aussi fit-il; et parlant à ce qu'il avoit de gens emprès ly, grans barons et autres, leur dit : « Or chà, messeigneurs, or est venu l’heure de mon infortune, là où il convient que j'abandonne et délesse mon royaulme, etque je me voise fuitif en estrange terre, devant mes ennemys, par trayson contre moi bastie soubs bonne fiance. Et le permet Dieu aujourd'hui, ce me samble, ainsi, et le me fault ainsi porter. Mès quand si grace se voudra retourner envers moi par compassion en ma cause, je recherrai en novelle espérance de revenir encore au recuevre. Ce sont les tours de fortune; hui fait-elle l'omme grand et haut eslevé, demain le renverse et” le füit cheoir en bas. Ung temps fut que point je n'estoie roy d'Angleterre : or est le temps aujourd'hui que atout couronne je n'ai ne terre
porter et prendre en gré mon aventure contraire, comme la gloire de mon exaltacion m'a esté de grand joie en mon corrage. Sc fortune n’eust eu le pooir de me le donner, n'eust eu le pooir ne le droit aussi de le me tollir. Ce doncques que j'en ai eu jus- ‘ques cy, ce a esté d'emprunt, et non par condicion invariable et non ravissable ; tesmoing ceste présente heure qui me fait le plus confusroy qui oncques fut, et le plus derelainqui et abandonné de tous amys. Ne sçay comment vous en va, vous seigneurs qui Cy estes, ne se vous serez du nombre des autres qui me lessent ou des miens. Ma fortune me semble si foible aujourd'hui et si débile , qu'à peine ne me sçay-je en qui me fier, ne en qui mettre fondement, pour ce que ceulx en qui plus me fivie me tournent dos, et ne leur est honte ne vergogne rien de nulle honnesteté ne cremeur. Ceux à qui j'ai fait les biens de mercy, mc rendent les paiemens de crudélité ; et ceux à qui j'ai conféré les bénéfices d'honneur et d’estat procurent ma ruine pour récompense.
Seigneurs, aller s'en fault et quérir sauveté : icy n’a mès nulle seure demeure ne jeu party pour ung tel péril attendre. Dont ce m'est regret, le plus que j'eus oncques, d'ici partir sans deffense. O vous, mes barons qui cy estes vous condolez, vous prie, aveucques moi en mes regrets ; à vous ils touchent et incombent comme à moy propre, quand par moi abandonner vous demorrez en la persécution de vos ennemis; et par demorrer emprès moi, vous devenez maleureux comme moi, riches toutes-fois et resplendissans en honneur par léauté monstrée , laquelle est la gloire et la coronne des vaillans hommes, et que Dieu regarde du haut de son throne, et dont il n’est point de doute qu'en fin il ne la récompense et la rétribue par le semblable. »
À ces paroles y eut dè grans suspiremens, et de cuers esmeus envers ce doloreux roy, à qui ne besoignoit fors à s'en enfuir à force de chevaux vers la mer, où que fust, pour trouver passage. Et de fait, à ce faire se disposa à toutte haste ; et en pareil les barons et tous autres, crians Et disans qu'aveucques ly vivroient et morroient ; et tant et siavant qu'il plairoit à Dieu lui envoyer, feust dur, féust
CHRONIQUE DES DUCS DE BOURGOGNE.—III: PART
ne royaulme. Si me convient aussi paciemment |
mol, ils y partiroient et ne le derelainquiroient ne en mort ne en vie ; entre lesquels le seigneur d'Escalles , frère à la reine, estoit l'ung des principaux ; et estoient environ de six à huit cens hommes en tout.
