CHAPITRE CXCVII

Comment le duc Charles despescha l'ambassade du roy à Sainct-Omer, qui là estoit venu pour le bien du pays ct d'union entre eux deux.

Maintenant convient-il narrer comment le duc Charles despescha l'ambassade du roy à Sainct-Omer, qui là estoit venu devers ly pour le bien du pays et d'union entre eux deux, et pour pacifier et contenter le duc son cousin, et le satisfaire de tous les outrages , ravissemens et extorsions faites pour et au nom de Warwyc, Anglois, dont le duc se doloit, pour la cause que le roy le portoit, soustenoit et garandisoit en son royaulme. Dont, et combien que ledit de Bourgoigne s’en doloit, et en portoit le cuer gros envers le roy, et le savoit bien, toutes-fois, pour demorer en amisté aveucques ly et non encheoir en guerre, s'estoit avisé d'envoyer devers y ambassadeurs pour lui offrir toutes satisfactions, et restituer de toutes pertes et dammages faites à lui et à ses subgets par mer et par terre à ceste cause, aveucques ce aussi que par ceste son ambassade sceust que, comment qu'il feust ne comment que la chose allast ne tournast, il voloit demorer. ferme etestable emprès le traité qui avoit esté fait entre eux deux à Péronne; faisant déclarer en outre que aveucques ly seul et aveucques son amisté envers el encontre tous autres quelconquesil voudroit mettre son fort pour sa porcion de son régner; et le tenoit si sage, et prince de si graud vertu, ce faisoit dire, que entendu le lieu dont il partoit et estoit né, aveucques la grandeur et la puissance qui estoit en ly, il devoit mieux amer à soi joindre aveucques 1y, et porter sa querelle encontre tous autres quelsconques contre honneur et droiture. Or avoit le duc Charles assez longuement, et par aucuns jours, médité et pensé sur le rappart de ces ambas sadeurs de France, et lesquels, après privées

GEORGE CHASTELLAIN

devises eues aveucques ly, requérèrent pour |

la délivrance et retour ; si s’y disposa le duc et leur mist jour.