CHAPITRE CCI
Comment ces deux princes ne se purent oncques accorder, mès y avoit toujours une aigreur et une rancune entre eux.
Entre ces deux princes de tout temps y avoit rancune ; et quelque pacificacion qui s’en peust faire huy , demain tout revint et retourna en son premier estat; n6 vraie ame s y pooit former. Avoient conditions et meurs incompatibles, et volontés toutes discordantes. Et plus alloient avant les jours , et plus enchéoient en grans différens ensemble et en désespérables aigreurs, plus toutefois l'ung que l'aultre ; l’ung dissimulant, et l'autre par semblant moins accontant et plus soy descouvrant. Le roy, certes, estoit homme subtil et faint ; savoit reculer pour saillir plus loing ; savoit faire Jl'umble et le doux à couverte fin, savoit concéder et donner pour recevoir au double ; et savoit porter et souffrir, à terme propre, grief, sur l'espérance de sa vertu, qui du tout en fin lui poroit rendre vengeance. Ainsi
1469) CHRONIQUE DES DUCS DE BOURGOGNE.—IN- PART
donques estoit ce roy ici fort à craindre, à cause de son engin, le plus agu du monde.
Et le duc Charles faisoit à craindre, à cause de son grand corrage, lequel il descovroit et sambloit monstrer par effect, qui de nul ne tenoit conte, ne de roy ni d'empereur; et quand ce venroit à la guerre aux Franchois, si se tenoit-il fier et fort assez, aveucques son Eduard , contre tout homme, aveucques ce que le cuer lui estoit fort eslevé , et ce qu'il avoit acquis de gloire contre eulx à Montle-Héry , et depuis en Liège, qui toutte succomba soubs lui en arsion et en glaive. Et ainsi doncques, comme le roy avoit sens grand et cautele, et en usoit en une manière, ce duc ici avoit ung aultre sens grand et d’aultre effect, et en usoit en aultre médecine, comme j'ai dit: en dissimulacion et en fainte , supployante à cautèle de fruit, et l’autre en publicque ostension de fierté, sans peur de mesprendre ; car commettoil à sa diligence et à son veillier, et la veug en tout et surtout , toute l'eflicace de sa fortune ; et cuidoit et espéroit , par son pooir et par son propre sens, parvenir à toutes ses précogitées fins, feust de paix, feustde guerre.
