CHAPITRE CCIIL

Comment le roy, par couvert engin , offrit au duc toute réparacion et satisfaction, et pour quelle cause il fit ce samblant.

Or avoie-je dict que le roy offroit , par ses gens dessus nommés , satisfaction et réparacion de tous dammaes fais au duc de Bourgogne , et Ce pour avoir son amisté et pour pooir vivre en paix aveucques ly, car ne désiroit point la guerre , ce disoit, ét estoit jà de cinquante ans passés , là où repos lui estoit mieux séant que traveil; et le duc toutes-fois ne le voult accepter , mais répudia son offre ; et ne faisoit ne pois ne estime alors de son amour ne de sa hayne, pour cause de Warwyc.

Mès ores convient-il entendre ici le secret de cest offre qui a esté fait au duc , et là où le roy lui a offert paix et amisté encore par prière, ce sambleroit , et laquelle chose sanbleroit avoir esté menée au roy d'une manière de peur , et d'avoir beaucoup prisé ce duc et son pooir , ou il sambleroit , se meschief en avient cy-après , que le duc ait esté moult ingrat et hors de voie , d’avoir refusé paix et amour, et cely mesmes à qui il le deust avoir requis plus tost ; car estoit son souverain et son plus digne et plus puissant. Et pourtant, ou l'onneur en doit demorer an roy d'avoir offert réparation pour non cheoir en guerre, ou la honte lui demeure d'avoir requis paix à son subject , par peur de sa puissance. Et du costé de ce duc Charles , il convient aussi qu'il ait eu cest honneur et cetiltre: d'oser répudier et refuser l'amour à un roy de France, sur fiance en sa fortune, ou, se l'effect de la | guerre en ensieut depuis, et là où les hazards

sont périlleux , que ceste guerre lui demeure à charge à tous-jours, parce qu'il à vilipandé paix. Or Dieu scet comment tout va , et ly seul en est juge; mès en ce temps ici, quand le roy fist ces offres, certainement il n’estoit point encore asseur que le comte de Warwyc peust jamais expulser sitost Eduard hors d'Angleterre ; et par lequel, tant qu'il estoit régnant, le duc Charles se maintenoit en son orgueil ; et les deulx joins ensemble et en leur hault vol , le roy les craignoit , et non sans cause. Et ainsi donques le roy non voyant encore la ruine d'Eduard, offroit au duc son ajoinct réparation des dommages que avoit fait Warwyc, pour rompre au duc son ire ; car sentoit grand grief pooir advenir en son rovaulme , se les deux, Eduard et Charles, lui movoient guerre : et dont adès Îles espérances estoient très grandes, par l'armée que le duc tenoit vaucrant en mer ; et dont toutte la Normandie estoit en doubte et en grand traveil.

Ainsi donceues, se leroyoffroit satisfaction au duc , ce faisoit-il, ainsi le faut-il entendre, pour s’asseurer de l'aigre volenté du duc, qui faisoit samblant de guerre par mer , et pendant lequel temps, et jusques à ce que Warwyc poroit avoir mis ruine en l'estat d'Eduard , il demorroit paisible. Ainsi doncques, se peur sambloit estre ici du costé du roy, se n’estoit-ce pas peur qui se dit de révérence, mès estoit une peur de prévention et de sens, pour à aultrui rompre son entreprendre. Aussi voirement, comme je dis que sens et cautèle estoient de la part du roy en ceste matère , le duc aussi les entendoit tout au cler; et estoit la cause pourquoi il faisoit moins de pois de ses offres. Car toujours il maintenoit que le roy ne tendoit qu'à le décevoir, et qu'en ses paroles n'avoit rien de ferme ; et aveuques ce , quelconque chose qu'il lui mandast par ung ne par autre, ne quom belle qu'elle peust estre, ne quom grande , si pratiquoit toujours en couvert devers tous les princes de France et ailleurs en son contraire. Et pourtant, quand il a refusé les offres du roy présentement , il sambleroit que ce il l'ait plus fait en contempt de sa privée personne, sans regarder se roy Ou non , qu'en contempt de‘paix. Mès comme Loys, qui se monstroit

GEORGE CHASTELLAIN

son ennemi par porter Warwyc son ennemi, ly , comme Charles. ennemi à son ennemi 2 refusé les offres d'amisté à cely en qui n'avoit point de fiance. Ainsi doncques , se la paix a esté offerte à cautèle , elle a esté refusée à bon propos, pour ce qu'on n'y ajoustoit port de foi. Et en effet , le duc aussi avoit toujeurs son attente sur Eduard , le roy anglois, et par lequel il se confioit estre assez fort’ encontre les menaces de France , et d'en avoir mesmes sa raison au besoing.