CHAPITRE XCIV
Comment les ambassades du roy venus à Sainct-Omer, ÿ vint aussi ung abbé de Bretaigne , et comment le rey laboroit toujours pour séparer le duc breton de celui de Bourgoingne.
En ce propre mesmes temps que les gens du roy estoient venus à Sainct-Omer faire les offres et persuader cestui duc Charles, y estoit venu aussi , et jà par avant, l'abbé de Bigars , Breton , de par le duc de Bretaigne; et lequel abbé, comme il oyt deviser et conter comment le roy avait faict dire par ses gens et remonstrer au duc de Bourgogee comment il désiroit l'amisté d'icely sur tous autres, et qu'aveucquesly il vouloit affermer et à toute perpétuité tenir ce qui avoit été appoinctié et fait à Péronne , et demorer ami à ses amis et ennemi à ses ennemis ; dont, et pour ce que le duc de Bretaigne toujours persévéroit en orgueil encontre ly , faisoit remonstrer à ce duc Charles comme il avoit son espoir en y , que, considérée sa longue rébellion et fierté, il pooit et devoit plus tost abandonner ledit duc breton que ly roy de France, dont il devoit honorer et amer la coronne , comme le plus grand posteau d'i celle.
Comme doncques cestui abbé entendist et oyt conter ceci, commença à rire, et dit :
« Or, par mon ame et par ma foi! tout cestui mesmes conte, et en telle forme comme ici le contez , j'estoie présent là où les gens du roy venus à Nantes le firent et remonstrèrent au duc mon maistre et seigneur , en contraire de monseigneur de Bourgogne , lui requérant et priant qu'à ce il voulsist entendre et con-
descendre , afin de soi pooir vengier de ly et de son long intolérable orgueil. »
Et de fait, vräy estoit-il; avoit voirement envoyé devers le duc en Bretaigne faire ce double personnage, tout en contraire lung de l’aultre. Parquoy on ne peut aultrement conclure, fors qu’envers l’ung ou envers l'aultre il commettoit faute et le pavoit de bourdes, et dont la honte principalement tourna sur ly. Et par ainsi doncques, le refus de l’amisté du roy à ly offert ne tourna pas tout à charge à ce duc Charles, où que la chose viegne enfin, que l'excusation ne soit aussi séante et clère pour ly de le (4). . . . . ainsi faire, entendues les doubles et enguigneuses manières de faire cy contées. Et, en effet, de tout son senset pooir le roy laboroit jour et nuit pour séparer le duc breton de l’amisté du duc de Bourpgoigne, et pour l'avoir deversly ; de quoi, toutefois, il ne pouvoit finer tout à son gré. Mès enfin, tant pratiqua devers ly, que le duc de Bretaigne lui promist amour, service, assistence et alliance envers tous et contre tout le monde, réservé le duc de Bourgoigne ; et ly mesmes drescha la voie à ce duc de Bretaigne, que d'envoyer envers le duc de Bourgoigne notable ambassade , pour lui signifier cecy et pour luy remonstrer que riens n'y avoit icy fait encontre honneur ne en son contraire ; mès le pooit ledit de Bourgoingne licitement porter et concéder; car n'y avoit nulle séparacion eutre ly et ly; et aussi le roy ne le quéroit point, ce devroit-on dire. Et de fait le duc de Bretaigne, après estre condescendu aux instances et presse du roy, mist sus son ambassade notablement ; et y commist le président de Bretaigne et le grand-maistre d'ostel, ung noble chevalier, aveucques Bretaigne, le héraut, lesquels accompagnés du seigneur de Malpertuis, ung bel gentil chevalier , arrivèrent à Hesdin prestement après les gens du roy estre partis de Sainct-Omer; car le duc Charles estoit jà venu de Sainct-Omer audit Hesdin, pour ce que pestilence y courrut aulcunement. Audit Hesdin doncques je laisse ceste ambassade des Bretons grande-
A Lactne d’un mot dans le manuscrit ; peut-être couloir.
CHRONIQUE DES DUCS DE BOURGOGNE.--III: PART
ment conjoys et receus, et venus au devant de toute la noblesse de la maison, et viens rencheoir sur le roy, qui à son lez pensoit
et sollicitoit toujours son profit, et d'avoir sa
belle cause , et comme il avoit devers, ly le comte de Warwvc à part, seur qui, dessoubs sa main, ne visoit et n'estudioit qu'à soi en aidier au profit de son royaulme et à la destruction et ruyne du roy Éduard et de la maison de Bourgogne. Car quelque paix et amisté que offerte eust au duc Charles faintement et à cautèle, n'avoit aultre désir nientmoins, ne aultre contendement que de le destruire et desfaire ; car ly mesmes s’en estoit tant descouvert as ungs et as aultres, que chacun le savoit, aveucques ce que les euvres le démonstroient par effect.
