CHAPITRE XXX

Comment le duc Phelippe se partit d'Arras pour commencer la guerre.

Phelippe doncques, le duc bourgoingnon, se partit d'Arras tantost après la Chandeieur, laissa la ducesse sd femme audict lieu, et vint en noble et bel arroy de seignorie et de belles gens d'armes. La nuit prist son premier giste à Bappalmes , et lendemain à Oisy en Cambresis, versla douagière d Haynnault, Sa tante , pour aucuns certains affaires, dont

GEORGE CHASTELLAIN

ils prindrent advis ensemble. De là party, vindrent à Péronne, puis à Saint-Quentin ; et là par aucuns jours attendoit toute la venue de son armée, car n'estoit encoires joincte à luy. Si vindrent les capitaines presque tous en ladicte ville ; et les gens d'armes se logeoient aux champs tout à l'entour , et attendoient là le plaisir du prince pour tirer ou çà ou là.

L'ambassade des Anglois, ainsy comme il avoit esté ordonné, vindrent en nombre de cinq cens Combatans , tous armés, en ladicte ville de Saint-Quentin , devers luy, pour aller en sa compaingnye devers le roy; et là l'attendoient tout à son aise et au plaisir de sa disposicion. Les chiefs desdicts Anglois furent les comtes de Warewyc et de Quint, le seigneur de Ros, mareschal d'Angleterre , et messire Loys de Robersart Haynuier, auxquels ledict duc fist et fist faire honneur et bonne chière, et là et sur tout le che in.

Ceulx de Laon toutesvoies, traveillés de ceulx de Crespy, doubtans que le duc de Bourgoingne ne presist autre chemin que par ledict Crespy, ne s'oublièrent pas aussi à venir devers luy en ceste meisme ville, mais joincts avec les citoyens et habitans de Saint-Quentn vindrent prier que, pour délivrance de tant de maulx que longuement avoient souffert de ladicte place, il la voulsist assiégier et la prendre vers luy par puissance, car tout leur pays et grand part d’autres en estoient gastés et désers, et mis en toute destresse de povreté. Si fut la requeste bien recueillie et amiablement accordée en faveur de eulx vers luy par puissance.