CHAPITRE XXXII

Comment la ville fut délivrée ès mains du duc de Bourgoingne.

Potton doncques, parlant de dessus les murs, requist l'audience où grand nombre de haulte

chevalerie convint, et la luy baïlla par espécial le comte de Ligny du gré et consentement de son maistre. Si dit ainsi Potton :

« Beaux seigneurs , posé que dure vous soit et très aigre la querelle que vous prenez contre nous les serviteurs de monseigneur le daulphin, toutesvoies vous devez congnoistre que nous sommes Céans grand nombre de gentils-hommes qui en nostre party avons à garder à nostre honneur, Comme vous au vostre, et qui par droit de la guerre, puis qu'elle est venue, devons chercher les désavantaiges de ceux qui contendent au nostre ; et se nous tenons places et prenons sur vous, ce nous doit estre réputé à los, et nous procède de vertu et de couraige ; aussi besoing fait la suporter. Force nous est bien d'ainsy faire. Et besoingne bien à nostre maistre monseigneur le daulphin d’avoir aigres et dilligens champions pour deflendre son droit ; car vous, messcigsneurs, estes fiers et enfellis durement , et venez à grand effort sur nous menasser ce jeusne héritier de la couronne que nous defflendons à nos povoirs, comme loyaulx. subgects, nous attendans du droit et du tort de leur querelle en eulx deux qui sont les chiefs de ce débat. Quant à nous, nul d'entre nous ne fut oncques procureur de maléfice ne de villain faict. Se riens est advenu, c'est hors de nostre povair et savoir. Nous ne sommés pas du conseil de court ; nous sommes del'exploict des champs, qui quérans tel fois donner les horions nous les y recevons nous meismes. .Messeigneurs , vostre prince monseigncur le duc, est ung vertueux seigneur, j'espoire, plain de couraige et d'honneur. Il est en sa première arinée, et nous est gloire et bon-heur d'estre les premiers envahis de sa main; fuictes nostre traictié, vous prie, vers luy; qu'il nous baille vie et biens sauves, et nous luy baillerons la place, en faveur de sa haultesse et de son premier OSt. » | : :

Assez avoit d'argumens et de réplicques d'ung costé et d'autre, qui tous ne sonnoient que honneur et bonne équité, ainsy que à estat de noblesse appartient ; mais j'en diffère le réciter pour cause de brièveté. Fi-

GEORGE CHASTELLAIN

dallement le traicté fut fait et la ville delivrée enla main du duc Bourgoingnon. Et partirent corps et bien sauves les daulphinois soubs bon et seur saulf-conduit , et s’en alèrent à Soissons, excepté aucuns qui estoient des villes de l'obéissance du roy qui, par vertu du traicté ainsi passé, demourèrent prisonniers.Si advint que des partans avoit aucuns destroussés en leur chemin, que moult toutesvoies porta à dur cely à qui en tourna la blasme : c'estoit le jeusne duc, qui fit faire tout l'entière restitution soubs attente de dure pugnition aux acteurs. La ville ainsi doncques conquise sur les ennemis, et toute decimée de biens à la requeste de ceulx de Laon, fut toute rasée et démolye en portes et en murailies. Et qui premicr souloit estre riche et bien servant à ses amis devint une chose povre et inutille à amis et ennemis.