CHAPITRE XXXIII

Comment messire Robert de Mailly, grand pannetier de France, s'enfondra dans l'eau atout son cheval, là où il mourut.

Cestui premier exploit mené à sa fin, le duc bourgoingnon atout sa notable seigneurie, ensemble avec l'ambassade angloise, tira à Laon, où receu feut en grand solempnité d'honneur ; de là à Rains et Chaalons où pareillement luy feut fait haulte cerimonieuse chière ; et delà, le lendemain de son arrivée, tira vers Troyes en noble et, bel arroy de prince, et feist son logis emprès Vitry en Pertois, place ennemyc. Si advint ainsy que le comte de Ligny menoit l'avant-garde, et passant parmy une ville, là où il y avoit eaues et sourses périlleuses que monseigneur Robert de Mailly, chevalier, grand pannetier de France, chevauchant d’encosteledict comte, fery en une desdictes sourses atout son cheval qui n’avoit point de resne, et Ià enfondra sans le povoir retirer, et morut piteusement et es : taingny, voyant tout le monde qui ne povoit mettre remède ; dont grand deul firent ses appartenans , trois fils qui y estoient, Jehan, Colard et Ferry, et avec eulx le duc son maistre et autres maints nobles chevaliers et escuiers. Toutesvoies à grand paine fut

liré dehors luy et le cheval. Premier que l'en

se partist du lieu , fut ms en terre en l’eglise prochaine qui s'y trouvoit, et honnourablement ensevelv. j