CHAPITRE XLIVY
Lamentation de George Chastellain sur les succès du roy anglois et comment le roy anglois marcha vers Sens avec le roy françois.
À Troyes doncques ces doloreuses nopces solempnisées , qui estoit la consommacion de tous les traictiés, il fut trouvé estre expédient de partir de là. Et bien certes ay dict doloreuses , car elles estoient plaines de dou-
(4) Voyez la copie de ce traité dans Monstrelet,
Jiv.x, ch. cexxxnir , dans la Collection du Panthéon.
AG
leur et de racine et de consequence, posé que joyeuses à luy pour qui se faisoient.
Dont pour donner l'entendement de leur douleur, comme je l'entens et vray est, chacun doit savoir que le mariaige procédoit de force et de violence faicte par ledict roy Henry en ce royaulme, parce qu'il ne trouvoit résistence à son effort, sinon en celuy, lequel, pour les divisions et envyes regnans contre luy , ne se osoit ne ne vouloit avancher de la luy faire, ni ne souffrirent s0y esverluer en son povoir de le luy deffendre, et que fortune depuis et malediction amère redoublant arrière plus felle sur les François , en sa haulte puissance et volonté de bien faire, menèrent à mort piteuse à Montreau, au temps que plus et mieulx estoit séant de vivre pour le commun salut. En laquelle mort le roy anglois perdit le seul obstacle que plus craindoit , et si gaingna l'advancement de son orgueil que par avant ne povyoit bouter oultre; et ainsi, perdu l’un, qui luy estoit contraire et restif, il recouvra l'autre en amytié, soubs tiltre de secours en la droiturière et honneste vengance du détestable délict sur les acteurs, qui fut cas d'inconvénient à tous lez; car, se la mort ne fust du premier, que pleut à Dieu, advenue, certes la licence du second, aussi vray que Dieu est, n’eust esté faicte ne cogitée jamais. Doloreuse doncques la mort et doloreuse l'alliance , par’ inconvenient de qui le mariaige sortit si doloreux; car doleur, calamité , misère et désolacion en partirent et nasquirent à tous lez en ung endroit.
La succession droiturière de la couronne fut aliénée en la main d'un estrangier, ennemi
encoires du royal troncq, et en l'autre toute
la généracion franchoise destituée du nom de franchise ancienne , et ramenée à l'impropre de servitude soubs multitude de verges lamenteuses et désespérables, par longs ans, que divine équité permist lors advenir aux François en confusion de leur deffauit. Or, faut vuidier de telles lamentacions, et venir au point que j'ay touchié sur le partement de Troyes, où toute la seignourie, espéciallement le roy Charles et sa compaignie, s’estoit tenuc très lonsuement, plus peut estre par inconvénient que par plaisir, dont les causes sont assez déclairées. Si est vray que les deux
GEORGE CHASTELLAIN
roys de France et d'Angleterre, ensemble les roynes et le duc de Bourgoingne et tout leur estat, se partirent de ladicte ville et de tous les environs; et prindrent leur chemin le plus exploitant qu'ils peurent vers Sens en Bourgoingne , cité pour lors ennemye auxdicts roys et au duc Phelippe. Et y avoit belle garnison et bonne des gens du daulphin qui assez craindoient la venue desdicts roys.
combien que le semblant se monstroit en eulx non esbahys. Les roys chevauchoient ordonnéement en bataille et le duc bourguignon d'encoste eulx, dont le semblant n’es- Loit point moindre d'ung empereur, posé que non roy. Le roy anglois , qui se trouva Coste à coste du roy françois son nouveau père, et mis en la haulte roue de fortune pour avoir acquis l'assouvissement de son souhait, comme d’estre héritier et régent de France, gouverneur seul et embrasseur du corps et du faict du roy. en tout et par tout dispositeur de toutes les besoingnes telles qu'il les vouloit avoir, bien fait à penser que moult devoit avoir le cuer enfiery et bien à son aise, voiant encoires que avec luy, qui estoit ennemy venu au roy françois, il avoit recouvert amy et père pour estre ennemy à luy meismes.
