CHAPITRE X£LV
Comment la ville de Sens resista pendant douze jours au roy francois, puis lui ouvrit ses portes.
En approchant la cité de Sens, le roy envoya aucuns héraulx semondre de par luy ceulx de dedens ladicte cité que eux se soubmissent en due obéissance comme vers leur souverain et naturel seigneur, et luy voulsissent faire ouverture et luy mectre en main sa cité; et en cas que ne le feroicnt, il les pugniroit comme rebelles et blesseurs de la royal majesté, par manière appartenant. De quoy quand ceulx de dedens oyrent la semonce , n'y eut cely qui ne congneust bien le roy pour son souverain seigneur et qui n’entendist bien à luy estre due toute obéissance. Toutesvoies, pour le discord jà régnant entre son fils et luy deshérité, et que ils véoient clèrement le roy anglois avoir en ongle tout
[1420] le royaulme d’ung lez, et estre meismes de-
vant eulx avec le roy, et de l'autre costé :
véoient le duc de Boüryoingne avoir la seconde main emprès luy, qui, en aigreur de sa querelle , ne contendoit que à destruire leur jeusne seigneur le daulphin , tous ensemble conclurent de non rendre la cité, à toutes aventures et péril, jusques à ce que nécessité apparant les contraindroit et excuseroit de la non povoir tenir mais. Et leur sembloit bien encoires que, au pis venir, nature ne-pourroit jamais tant mentir à luy que au destroit il ne les presist plus tost à mercy de leur vie que à dure exécucion de justice par sang respandu. Mais se la question tournoit au contraire au père , siredondoit-elle en salut à cely qui ne povoit estre autre que fils, quelque couroux qu'il y eust. Et en ceste conclusion, fermes , tindrent la ville et la refusèrent au roy leur souverain seigneur, et à ses aÿdans, leroy anglois et le duc bourgoingnon. Par quoy le siège y fut mis et bien ordonné tout à l’entour ; et y furent faictes toutes les diligences pour les grever qui se povoient faire, engins dressés et canons, et toute manière d'artillerie et d'affustemens mis et employés en temps et lieu convenable, mines assaiées et parfondées en terre, murailles batues, eschielles apprestées pour assaillir les créneaux , guerroiés mortellement de traicts par dehors , et les hommes tant travaillés par dedens qu'ils ne savoient à quel lez entendre, ou à reconforter les citoyens enclos et perplex, ou résister à l'envahye qui leur touchoit à la mort. En cest estat demeurèrent, vaillamment toutesvoies, douze jours ; durant lequel espace considérans de nul lez apparence de secours, ne possibilité nulle , sur asseurance d'avoir leur corps et biens sauves, hors mis qui seroient trouvés coulpables de la mort du duc Jehan, s'aucuns en y avoit, renchrent la ville em l'obéissance du roy et non à autre ; et tous les habitans d'icelle firent serment au roy et luy jurèrent foy et preud'hommie envers tous et contre tous, par leurs ames, combien que en la compaignye de la garnison en y avoit aucuns qui, pour estre saintement bien de court, prindrent la croix rouge et la portèrent par une espace. Mais quand ils virent leur bon pour eulx 8e separer d'avec eulx, ils retournèrent
à leur maistre le daulphin par inclinacion de nature.
