CHAPITRE XLVIII

Comment le fort de Montreau refusa de se rendre au roy anglois sur la demande des prisonniers.

Pendant ce temps le roy Charles, qui encoires n'avoit nulle part envoyé la déclaracion de la paix, la transmit tout au long quoy et comment, en sa cité de Paris et en tous aultres licux de son royaulme , prévostés et bailliaiges de son obéissance, et èsquelles le fist publier et manifester à baulte voix, à telle heure que, se grand part en y avoit qui ledict traictié teinssent à bien besoingnié, si y en avoit-il aucuns qui beaucoup murmuroient à l'encontre; et non pour nulle cause , fors que pour le roy anglois qui trop avoit d'attente et d'auctorité en ce royaulme contre droiture , ce leur sembloit. Car quelque division que courut entre les princes, faveur toutesvoies du pays où on est né et nature ne peult mentir. Or estoit la ville de Montreau prinse et délivrée par ses ennernais ; et ne restoit mais que le chasteau qui estoit fort et de grand deffence. Parquoy le roy Henry, ensemble le duc de Bourgoingne et toute leur compaingnie se deslogèrent de leur lieu; et pour mettre plus à l'estroit ceux qui estoient retraicts, vindrent logier tout à l'entour de ladicte place, par devant et par derrière. Et de faict, avoit on fait ung pont sur Seine. Et alèrent logier ces deux princes entre les deux rivifres, Yonne et Saynne , aigres durement et dilligens, et force et multitude d'engins que l'on dressa devant eulx, pour leur faire mauvaise compaignye, s'ils povoient. Et de faict, la leur firent par mainte dure envahye bien terrible. Dont, pour les assayer de eulx rendre au moins de péril , le roy anglois envoya , mais en bien seure main, les prisonniers qui prins avoient esté audict Montreau, jusques sur les fossés du chasteau, pour parler à leur capitaine et enhorter tellement que, en sauvant sa vie et la leur, il voulsist

vres vies, tous ces nobles hommes prisonniers se mirent à genoulx, joingnirent les mains plorans, et les aucuns le prièrent que, pour la sainte passion de Jehu Crist vray Dieu , ils voulsissent rendre ledict chasteau aux roys françois et anglois, ou autrement bien congnoissoient la cruaulté du roy d'Angleterre qui tant leur en avoit promis, qu'il leur convenoit morir et terminer leurs jours pitcusement, sans respit de finance ne d'autre moyen. Mais leur pryère certes faite en vain leur rendit povre fruit, combien que piteuse fut à oyr; et leur respondi leur capitaine, cely de Guitry : « Compaignons , ès faits de guerre ne gist qu'ung hasart. Qui est prins, il est attaint. Faites du mieulx que vous povez en vostre endroict, ce posé nous, de vostre malheur; mais au regard de nous, nous tiendrons ceste place , et en prendrons nostre aventure telle que nous porra venir. »