CHAPITRE XLVIL

Comment fut trouvé, le corps du duc Jehan et trrz. porté à Digeon, là où il fut enterré auprès son père.

Tantost la ville fut plaine de gens d’arines bourgoingnons et anglois ; etse logèrent icy et là par l'ordonnance des mareschaux des logis en tous lieux. Et souverainement devant le pont qui respondoit au chasteau, se mirent en gardes et deffense, pour leur deffendre le saillir. Pareillement, par derrière du chasteau devers les champs, là où il y avoit une saillie, demouroit ung bon et puissant siège contre ceulx qui s'y estoient retraicts. Et en ce point demourèrent par aucuns jours, chacun faisant du mieulx et du pis qu'il povoit pour faire son fait bon. Si s'avisèrent les Bourgoingnons, sitost qu'ils estoient dedens, de demander à aucuns de la ville où estoit la place et le lieu que le duc Jehan avoit esté mis en terre. Si leur fut monstré le lieu par ces povres femmelettes, en l'église principalle de la ville où ellesles menèrent jusques à mettre le pié dessus. Dont incontinent atendris de couraige , quand virent la terre encoires toute fresche et rudement gettée dessus sans aucune révérence de sa personne , en souspirs el gemisons, prindrent ung drap noir pour celle première fois, et l'espandirent dessus, et y mirent en croix quatre cierges alumés , en remembrance au moins de son très hault nom ; et ce fait, s'en alèrent vers leur prince le duc Phelippe, qui le lendemain y renvoya beaucop de notables et de haulte seigneurie pour le faire desterrer. Et de fait desterré fut et trouvé getté inhumainement tout chaussé et vestu, au moins en pourpoint et des housseaulx ; dont les voians, ses serviteurs jadis et subjects, avec pluiseurs cris et piteuses lamentacions , sembloient fondre en pleurs , et désiroient à nettoyerses playes en leurslarmes; lesquelles, comme aucuns relatent , au descouvrir rendirent sang nouvel et tout frès, comme se hier eust esté tué; si avoit-il bien huict mois passés que le cas advint. Si fut lors solempnellement relevé le corps, et après l'avoir mis en son appartenir fut mis en ung nouveau sarcueul de plonc blanc, bien richement, et transporté

de là assez tost et renvoyé grandement acompaignié de srisnourie aux Chartreux de Digeon, où on le renterra emprès son père le bon duc Phe'ippe