CHAPITRE L

Comment le daulphin alla prendre le pont Sainct- Esprit , et vinst à Bourges.

Ne demoura gaires de temps après que aulcuns bourguingnons firent entreprinse sur la Villeneuve-le-Roy, belle place et forte, assise sur la rivière d'Yonne ; et de faict la prindrent un matin secretement d'eschelles et y firent une grant tuison des daulphinois ; Et en ce pendant le duc de Bedfort , frère au roy anglois , qui encores n’avoit passé la mer pour venir en France que ceste fois, maintenant vint devers son frère le roy, et lui amena huit cens hommes d'armes et deux nulle archiers, dont la joie et le renforcement fut grand en l'ost , et la recepcion du roy bien amiable etde tous les frères.

Or estoit à l'aultre lez le daulphin, deshérité, Jui sembloit, par l'agpgréement du père et contre nature, et deschassé avec ce de son hérita'ge par force de ses ennemis. Lequel pour pourveoir aucunernent de remède en son dur fait, partist des marches de Touraine, et à toute la puissance que lors povoit assembler passa en Languedoc , et mena son armée devant Pont-Sainct-Esprit sur la rivière du Rosne, que les gens du prince d'Orenge renoient en faveur du duc de Bourgoingne. La ville certes esloit forte et bonne, et n'estoit pas de legier acquest, sans y avoir destravaulx beaucop, et d'approchemens de divers engins pour les espuvanter. Parquoy ledict daulphin envoya en Avignon et en Provence querre des bom-— bardes et engins volans , dont tantost devint pourveu habondamment. Et de faict tellement et tant s'en aida que, après les avoir mis en œuvre assez fellement et dru , la ville lui fut rendue et lui fut mise en vbeissance, avec pluiseurs aultres villes et forteres:es là entour que soloient tenir lesdicis gens du prince d'Urenge pour et au nom du duc de Bourgoingne , qui malement pouvoient trouver secours en leur parti à celle heure, pour ce que

toute l’obéissance et puissance du daulphin estoit entre deux et autour. Si y mist ledict daulphin ses garnisons bonnes et fortes ; et atout cest exploict s'en retourna arrière à Bourges ; et là fist assembler de toutes pars gens d'armes; et avec advis et bon conseil prins sur ses grans et malheureux affaires, se disposa à resister de son povoir à la felle entreprinse de ses ennemis qui le poursuivoient à honte et à perdicion , et ne tendoient que à avoir la main de victoire et de conqueste sur lui et lesienju ques au bout. Laquellechose, certes, lui estoit occasion de merancolie et matère de grand soussy, comment et en quelle manière il pourroit remédier à un si grand et si espovantabie effort, comme de deux princes qu'il avoit contre lui, et encoires estre dilinqui de son père et desavoué comme bastart, hélas ! que non lui avoit procuré, j'espoire, noble fils de roy et enfant, mais les mauvais fauix hommes ses conseillers, pour lesquels tristement porta l'amère pugnicion.