CHAPITRE LL

Comment la ville de Ligny en Barrois fut prise par le duc Reyné de Sicille, et vendue au comte de Sainct- Pol.

En cestui meismes temps, le cardinal de Bar, lequel estoit paisiblement et par droicte succession, seigneur et duc du pays dont il porta le nom, c'estoit la duchié de Bar, et avec ce, oncle de Reyné d'Anjou, frère du

oy Loys de Sicille et fils de sa seur germaine (lequel, en son plain vivant, et en sa bonne prospérité, il avoit constitué son héritier , et successeur de ladicte ducié de Bar, dont le bom et la seigneurie alluient hors du tronc), fist un grand amas de {sens d'armes, et avecq son dict nepveu le duc Reyné, qui ensemble estoient du parti et sieute des daulphinois, et avoient toujours maintenu la bende contraire au duc Jehan et à son fils, partie pour cause des haines et divisions qui lors estoient en ce royaulme, partie anssi pour cause légitime, mist le siège devant Liÿcy en Rarrois, place forte et puissant, merveilleusement belle, dedans ledict pays. Et ce fit-il à cause que le duc Jehan , en son vivant , qui estoit oncle

du jeusne comte de Sainct-Pol, Phelippe ñe Brabant , et avoit eu le bail et gouvernement de luy, n'avoit relevé ou faict les devoirs de ladicte ville de Ligny vers le cardinal duc de Bar, ne son frère parcillement, le duc Jehan de Brabant. Et par ainsi, comme non ayant satisfaiet à luy comme prince du pays à qui le fief appartenoit, fit tant que par force d'engins et d'armes , avec l'ayde de son nepveu le duc Reyné, il recouvra l'obéissance et ouverture de la ville, et y mist pour une espace, comme en ville conquise et forfaite , ofliciers et gouvernement de par luy. Mais assez tost après, par le moyens d'aucuns notables d'ung costé et d'autres , fut la chose radoubée ; et fut la ville mise arrière et restituée au vray hoir et appartenant, le comte de Sainct Pol, à toutes les jurisdictions, seignouries et devoirs, que par avant il avoit eu et avoit; et demeurèrent en ce rappaisés les seisneurs d'ung costé et d'autre.