CHAPITRE LI
S'ensuit le siège de Meluin.
N'a gaires que cy-devant je laissai Le roy anpglois, ensemble le duc bourgoin:non , à tout leur ost sur les champs, au partir du sièsre et de la prinse de Montreau, déliberés assez de faire partye de leurs plaisirs des villes et places leurs ennemies, comme de faictils firent; et avoient bien povoir. Or, estait leur contendement d'avoir toute la rivière de Sayne, depuis Bourgoingne jusques en Normandie , et toute l'Isle de France, et le circuit de Paris obéts sant à eulx. Parquoy, pour une forte et mais: tresse clef , qui beaucoup leur povoit porter grand prouflit ou grand mal, ils mirent le siège devant Meluin, ville dont assez est congneue la force et la situacion, et que les daulphinois gardoient pour et au nom de leur maistre, les plus valeureux aulcuns et les plus esprouvés de son party, comme : le seigneur de Barbasan, vaillant chevalier, qui estoit chief et capitaine principal du lieu, avec luy messire Pierre de Bourbon seigneur des Preauix, his au di Jacques de la Marche , ung vaillant escuier de grand los nommé Bouryois, qui tous ensemble avoient de
neuf cens à mil combatans, vaillans hommes, sous eulx, auxquels il estoit bien besoing, comme vous orez cy-après, que bonnes gens fussent et bien adurés, car moult y souffrirent d'annuy et de povreté, premier que en partir, qui se dira ès lieux où il servira en faire mencion. Quant au regard du siège, comment il se mist et s'approcha en sa première venue, c'est chose toute notoire que ceulx de la garnison y mirent toute la deffence et empeschement qu'ils porent, et s'exposèrent aux dangiers et aux divers périls de leurs ennemis pour y mectre obstance, si leur eust pu ayder ; maisnennil, car la puissance de eulx estoit foible, et l'effort des survenans espoventable durement. Et pourtant, quand on congnoit que les haults cuers, en tous périls destroits , envys se déporteroient de monstrer haute valeur, peu , me sembles, est besoing de faire singulière récitacion de ce qui se faict en tout temps et en tout lieu, presque d'une manière, comme c’est que chacun faict son mieulx pour grever son ennemy en l'un endroit, et en garentir et préserver son corps d'aveugle meschief et l’aultre , comme de trait et de coulevrines, qui donne les coups aveugle de mort ou d'aflolures. Et avoit le roy françois, durant cestuy siège, avecq les deux reynes et son serourge, le duc Rogier de Bavière, print son repos à Corbeil. Et le roy anglois, avecq ses frères de Betfort et de Clarence , tenoit et avoit mis son siège devers Gastinois. Et le duc bour-
goingnon , avec sa chevalerie , et avecq aucun
nombre d'Anglois, le comte de Hantindon et autres, tenoit le costé devers Brie à l’autre lez de la ville, qui tous ensemble , et par nuict et par jour, firent maintes felles envahies sur les enclos, par bombardes, par engins volans, par force meismes et aigreurs de cops, incessament , comme de traict. Dont on les approchoit dessoubs tandis, jusques auprès de leurs murs. Et combattoient souvent l’un l'autre, si près comme main à main. Si est vray que du costé des Bourgoingnons les assiégés avoient faict un fort bollevert, moult - avantageux pour la ville et greveux beaucop aux assiégeans. Si s'esvertuèrentlesdicts Bour-
gompgnons en baudeur de couraige; et par
subdaine impétueuse hardiesse l'assaillirent
GEORGE CHASTELLAIN
ung jour; et non refusant ne labeur ne péril, tant firent qu'ils y entrèrent maistres et victeurs, à peu de perte de leurs gens, mais à effusion de sang assez des gardans qui, fuytifs et esperdus les aulcuns, se retirèrent en la ville et l'abandonnèrent ; et demoura tousjours depuis, durant le siège, en garde de ceulx qui l’avoient prins , lésquels le gar dèrent et deflendirent tellement que pour eulx , et en firent depuis maintes tribulacions à ceulx meismes qui l’avoient construict.
Et pour ce que les deux osts ne se povoient joindre ensemble, pour la rivière de Saine qui estoit entre les deux princes, pourvoyant aux soudainetés des aventures, que nécessitéles en peut contraindre à bataille, ou aultrement, firent faire untrès bel et grand pont, passable à pied et à cheval, par lequel tous les jours se joignirent el conversèrent ensemble; et estoit près en secours lung à l'autre hors de tout dangier. Aussi avoit le roy anglois et le duc bourgoingnon semblablement faict clore son siége par derrière luy de bons grands tranchis estancés, tout plain de bons gros estanchons , afin que ennemy nul ne le peust surprendre par derrière ne avoir entrée sur luy. Et y avoit en ladicte cloiture aucunes certaines entrées et passaiges destrois qui se fermoient à bonne forte barrière et à clef; et y faisoit-on le guet de nuict et de jour, tant que le siège y dura, qui dura bien dix-
*huict sepmaines en cest estat. Si me faict à
doubter que maintes et dures escarmouches ne se fissent souvent, là où les rades et vaillans hommes d'ung lez et d'autre se monstroient en leur vertu, entre lesquels ung cavalier anglois, homme de bon los, nommé messire Phelippe Lys, y fut tué de traict, et avec luy ung gentilhomme de Bourgoingne de grand maison, nommé Evrart de Vienne , et beaucop d’aultres que je trespasse , qui ne furent point de si grand nom. Fellement certes tra veillèrent les assiégeans leurs ennemis enclos, et ne leur souffroient avoir repos à nul lez, puis par grosses bombardes dont ils grevoient leurs murs, puis par engins volans, dont ils remploient leur ville de charongnes et de punaisies, et enfondroient leurs maisons par grosses pierres de mortier, chéans d'en haut, et tuoient les habitans aulcuns,
et les faisoient mucier en cavernes, en terre et en caves, et ne s’osoient trouver sur les rues. Sileurestoit besoing toutesvoies et contraincte de eulx y trouver, et non avoir regard à nul péril, car tousles jours les murs s'abattoient; et
chéoient devant eulx par grands flacqueaulx auxquels il failloit mettre résistance, et les remplir de foins, de bois, de terre et de tonneaux, et detoutes aultres choses, en quoy ils povoient espérer aulcune saulveté pour deffense, car aultrement maintefois on les fust venu prendre dedans leur fort par assaults.
Mais pour ce que le roy d'Angleterre véoit que par l'assault des murs il ne povoit aisement parvenir à ses désirs et sans extrême péril, car outra;;/cusement vaillans hommes estoient les assiégés , il s’avisa de faire une mine par devers luy. Et la fit faire tellement qu'elle alloit toute par dessoubs les fossés jusques aux murs. Mais les enclos ayant fort l'œil à toute manière de grevance que leurs ennemis leur purent procurer, S'en apperccurent assez tost, et pensant de y remédier par semblable cautelle , contreminèrent coutre eulx en droicte ligne, et se bien que toutes deux s'entre-contrèrent ensemble l'une contre l'aultre, et fut enfondrée , là où pour commencement fut montré maint faict d'armes de haulte chevalerie et de merveilleuses vaillances d'ung lez etd'aultre. Par quoy le roy anglois, pour mectre obstaële de passer, y fit faire une barrière dedens; et là, luy et le duc bourgoingnon, qui avoient les cuers non moindres de leur nom, se combatirent par longue espace, main à main de coups de lances et d'espées, contre deux de leurs ennemis, Barbasan l’un, et Ovide Bourgoisl’autre. Dont leur gloire n’est à taire d'avoir eu à faire à tels deux haults princes; ne à eulx aussi d'avoir maintenu estour contre deulx si haul- ‘tement vaillans et esprouvés hommes de leur temps, sans blasmer nul du nombre des meilleurs. Non seulement toutesvoies reposoit l’estrif en ladicte mine sur eulx les deulx princes , ains en y entra grand nombre qui l'un après l'autre s'acquitoient et s'esprouvoient durement bien, Bourgoingnons et Anglois. Et entre les aultres y fut faict chevalier Jehan de Hornes, seigneur de Bausegny, et Robert, seigneur de Mamines , vail-
lant chevalier , adroict, bien esprouvé depuis, et aulcuns aultres. |
Se demoura le siège longuement en cest estat, sans que l’une part ne se povoit vanter de la victoire, ne l'aultre recevoir blasme d'avoir esté lasche ; mais tous deux se contenoient sur la disposition de fortune , cuidant demourer non recréans de toutes deux parts, combien que l'apparence du beau estoit en l'une part trop plus clère que l'autre. Toutesvoies , pour ce que le siège tiroit assez longue traicte de temps et ne se povoit terminer si bref que eust bien volu le roy anglois, aucune fois par recréacion, alla voir la royne sa femme à Corbueil, avec laquelle estoit la ducesse de Clarence, femme de son frère, et aulcunes srandes dames angloises qui la joie menèrent moult grande quand cela leur advenoit. Et afin que Barbasan ct les siens , qui tant souffroient qu'il n'est pas à dire, fusissent plus enclins de rendre leur ville, et de prendre aulcun appoinctement honneste , le roy anslois d'abondance y mena le roy françois, son beaupère; et là, en sa présence fit semondre ledict Barbasan et les siens, que au roy de France, leur naturel et souverain seigneur, lors estant devant eulx , ils voulsissent faire obéissance et rendre ce qui estoit sien. Sur quoy ils respondirent, tost conseillés, que au roy de France voirement feroient-ils ouverture volontiers en son privé estat , comme ils devoient, mais au roy d'Angleterre, ancien ennemi de la royalle magesté françoise, ne congnoissoient-ils rien devoir ne appartenir, et ne se rendroient pour souffrir mort. Si en fut le roy anglois durement ayré; et leur respondit, ou au moins fist respondre : que l'heure pourroit bien venir que ce mot leur seroit chier vendu, et que au roy d'Angleterre , voulsissent ou non, ils seroient obéissans, pourroit estre, à leur grand annuy. La chose toutesvoies demoura en cest estat pour lors ; et s’esbahissoient aussi peu les assiégés, menassés du fier roy, comme lui prisoit peu leurs haultaines paroles.
Or restoit là cestuy siege , comme vous ay dict, le roy de France logié en ses tentes, sous, le gouvernement de son beau fils qui n'y estoit point, comme jadis il avoit esté, alors quand les nobles princes de son sang le souloient
servir et accompagner , et que meismes luy, ou aulcuns du royal sang en son nom, souloit mener les puissances et redoutables cohortes de gens, comme en Flandres et ailleurs, qui maintenant, las! par variableté de fortunes luy estoient esloingnées et tollues, lung par mort, l'autre par prison et par ruyne en bataille à Azincourt, et par cely meismes qui maintenant comme beau fils le menoit à son plaisir, là où son estat et haulte majesté estoit piteuse à veoir au regard de son portement. Car jà soit que le nom et titre de roy de France luy demourast tout son vivant, toutcsvoies n'y avoit-il que gloire sans fruit. Auctorité de faire et de laisser , et d'ordonner et de rompre, luy estoit soustraicte; et l’avoit tout applicquié à luy le roy anglois qui se grandissoit en orgueil sur les François, fussent-ils avec luy, fussent-ils contre luy. Sa corne s'élevoit sur euÎx, parce qu'il avoit ainsi empoingnié leur pasteur, sous semblance de amitié et de révérence , qui plus estoit digne de reputer faulse dissimulacion de tyran, favorisé par force. Et monstra Lien ce que je dis de faict, car tous les soirs devant ses tentes fit sonner par grand beubant, trompettes et clairons grand quantité, et fit retentir les prés et les bois de leur son, si fièrement qu’il sembloit que toute la terre, tant fust elle grande , estoit à luy. Etd'abbondance, il fit venir en fier appareil la royne sa femme ; et luy fit faire, en lieu hors de péril, maisonnement propre pour elle et pour son estat, là où du povre roy françois n'en estoit memoire, ne que s’il n'y eust esté. Toutesvoies le duc Phelippe de Bourgoingne, tirant à la baulte nature de son sang, visita souvent, et avec deues révérences, comme tousjours avoit faict par avant. Condoloit assez et avoit pitié de ce qu'il véoit ; mais couraige vindicatif de sa honte luy fit tenir pié ferme par constrainte, là où il avoit mis. Mais ne chailloit au dict roy anglois qui eust deul ne qui eust joye de son règne, puis qu'il se véoit avoir main au dessus, et qu'il estoit parvenu partie à ce qu'il desiroit, et que au remanant, qui encoires restoit à parfaire , il luy sembloit bien qu'il y parviendroit. Pour laquelle cause seulement ce jeune duc bourgoingnon, qui estoit
GEORGE CHASTELLAIN
prince le plus puissant du royaulme et avoit terres et seiyrneuries puissantes par lesquelles il povoit ou grandement ayder ou grandement contrarier, et se le congnoissoit fier merveilleusement et vaillant, pour ceste cause luy seul entretcnoit, et en faisoit grand estime, car sans luy ne povoit, et par luy diminuer povoit, et faillir à son entreprinse. Si que, avec l'ombre de luy et son assistance, cestuy fier roy anglois continua torsjours son siége, et diligenta tous les jours plus et plus pour en venir à son dessus.
Si advint que Pierre de Luxembourr, comte
ER
de Conversan et scisneur d'Anpuven, partant pour aulcunes causes necessaires dudict siège de Meluin, pour soy en aller en sa comté de Bricnne en Champaigne, accompagné tant seulement de quarante hommes de cheval, gentils et aultres, là où Picrre Luppel capitaine de Meaulx en Brie, ensemble ceulx de sa garnison, se trouvèrent sur le chemin dudict comte de Conversan, ne sçay se ce fust ou d'aventure ou d'aguet, toutesvoies, comme puissant trop plus que ledict comte surprins, qui par armes ne par deffences, ne poursieute, ne se povoit saulver, prindrent ledict comte ; et se rendit, ensemble toute sa compaisnie la pluspart, et joyeuse de leur bonne adventure , les menèrent à Meaulx dont estoient partis, auquel lieu il demoura jusques à tant que le roy an glois les retrouva, par siège qu'il mist depuis devant ladicte ville de Meaulx, qui ne feut pas si tost après, comme vous orrez cy-après, là où sa délivrance sera à raconter.
