CHAPITRE LXII
Conunent le roy anglois, revenu en Angleterre , convoqua Îles estats, et leur parla de tout ce que fait il avoit ; et comment il délivra le roi d’Escosse de sa prison.
Sur cesmeismes jours, le roy Henry, comme j'ay dit dessus , qui s'en estoit venu de Paris à Rouan , bien y avoit séjourné ung peu.
Sollicitant ses affaires, se party en très noble et bon arroy, luy et la royne, de la cité de Rouan , à l'intencion de soy en aller à Calaix, et de là en son royaulme d'Angleterre, au quel le peuple et les inhabitans attendoient beaucop et désiroient la venue, et souverainement de leur nouvelle royne, que encoires jamais n'avoient veuc. Si avoit ledit roy, pour provision de son pays de Normandie , estably son frère le duc de Clarence, gouverneur général et capitaine dudit pays; car moult estoit prudent chevalier, vaillant, et prince de grand los, et avoit fiance beaucop en ses vertus. Parquoy ayant bien paurveu en tout, ce lui sembloit, tant à Rouan comme à Paris etai!leurs , il se mist en chemin vers Calaix, en la compaignic de six mille combattans, passa par le pays de Caux, s'en vint en la cité d'Amiens, et loyea sur maistre Robert-le - Jeusne, nouvellement bailly d'Amiens. Au quel lieu d'Amiens très honorablement fut receu , et bien venu, et lui furent fais des dons et présens largement; puis s’en party, et s'en vint à Thérouanne , et de Ià à Calaix, oùil séjourna par aulcuns petits jours, et de là passa oultre et s'en alla en Angleterre , où il fut receu à telle solempnité et'joye, qu'il n'est nul qui le peust et sceust dire assez. Et pour ce que la royne, qui estoit novellement son espouse , n’avoil encoires receu couronne en son ruyaulme , en la manière et coustume du pays, tantost avec sa fresrhe venue, il ordonna le jour de son couronnement, et fit semondre tous les haulx princes et barons
résidence, et firent grant réjouissement l’un ;
de son royaulme pour estre à ce jour à Londres, qui est la ville royalle et la maîtresse cité plus propre pour convencion. Si y vindrent lesdits seigneurs et barons, comme il leur estoit mandé, en grant et notable estat; et tint le roy sa feste la plus riche et la plus magnifique qui paravant jamais avoit esté veue en telle cité, et tant en richesse que en parement de corps, comme en magnificence de toutes aultres choses , dont renommée peut tirer gloire ou oeul delectacion. Et de fait furent vues toutes novelles nopces excessives, trop plus en estat que les premières, Car certes n'est homme qui les raccomptas! ne sainement creust, qui ne l’auroit veu. S'en fault deporter à tant, et revenir sur les autres considéracions que avoit cestuy roy Henry sur ses affaires , dont il désiroit bien à besoignier avec ses subgects, et avec tous les estats du pays, qui là estoient tous assru:blés. Si tost venu en ladite ville de Londres, et Lantost après ceste feste passée, lui-meismes, qui estoit saige merveilleusement et beau parleur, commença à faire des remonstrances pluiseurs à son peuple : comment, en longue labeur et en péril de fortune, il avoit porté et soustenu de haulx et durs affaires en ce royaulme de France, au quel, par conseil et délibéracion de eulx jà piéça , il estoit allé et meu pour attempter à conquérir son héritaige, en quoy Dieu et fortune l'avoient beaucop et largement favorisé, comme il parut, car avoit conquis, ce disoient, les ports de mer de Normandie, la noble etpuissante cité de Rouan, et toutes les villes à l'environ maistresses et principalles ; obtenu la victoire et la journée d'Azincourt, où les plus haulx des princes franchois cheurent en son glaive; conquis la ville de Melun, et tant fait par sc fière entreprinse, qu'il avoit obtenu à femme la fille du roy françois, et le héritement perpétuel de la couronne de France, en reboutant sun seul fils légittime, son adversaire , par lequel et par ses adhérens, il lui restoit beaucop
encoires à parfaire en cestuy royaulme de.
France, premier que l'avoir tout à luy ne avoir expulsé le daulphin, celui qui s'en disoit héritier; ains y fauldroit labourer et contendre à dure et forte puissance , et continuer aigrement , ce que par Îuy avoit esté
bien encommencié jusques alors; ou aultrement la chose qui maintenant lui estoit à prouflit et gloire lui pourroit tourner à dure confusion et à perte, et à eulx trestous. Par quoy, par non estre trouvé certain en labeur passé, ne descorraigié en oser bouter oultre sa haulte entreprinse, qui jà, par l'alliance du duc des Bourgoingnons , sonfrère, la pluspart estoit venue à chief, et pour parvenir glorieulx victeur à ceste très excellente couronne françoise, que, par tant de cruelles et dures batailles, les roys ses pères devanciers avoient barguignyée, et jamais non peu parvenir où maintenant il en estoit, dont il rendoit graces à Dieu, certes il lui besoi»noit hastivement provision et de gens d'armes et d argent ; et prioit à chacun en sa qualité, que il voulsist entendre, et qu’en l'opportunité d'ung si très hault bien publirque, qui touchoit à eulx trestous, 1ls luy voulsissent baillier libérallement prompte main de secours, comme ils devoient, et comme il s’en fioit bien à eux. Et ceste requeste faite à Londres dont l’aggréement luy fut donné joyeusement de tous les estats, luy-meismes, en personne , se transporta par les aultres bonnes villes et principatles de son royaulme, et là les fit semblables comme il fit à Londres. Et trouva le peuple tout enclin à sa demande. Si leva pour celle fois trente mil combattans, les plus jeusnes et rades du pays, et accuilla tant d'or et d'argent à ceste cause , que c'’estoit unc merveille, et chose non commune à croire.
Or, avoit-il eu longuement guerre par avant encontre le pays de Galles, à l'un des bouts, et à l’aultre lez le royaulme d'Escosse , dont encoires il tenoit le roy prisonnier en sa cité de Londres. Si s’apensa et considéra le roy pour vray, qu'avoir guerre si prochaine et encontre si puissans voisins , Comme estoient les deux , et tirer le plus beau et le plus fort de son royaulme pour mener hors guerre à latierce main, et meismes y estre en personne, c'estoit chose assez dare et de moult grant
} péril , et y faisoit-on bon pourveoir en temps
et en heure. Par quoy il condescendy à donner trèves certain terme d'ans auxdits Gaillois et Escossois ; et leur roy prisonnier délivra de prison, par condicion qu'il prendroit
GEORGE CHASTELLAIN
à femme sa cousine germaine, seur au comte de Sombreset , et mepce du cardinal de Vincestre , qui fut le principal procureur de cestuy mariage, auquel ledit roy, pour estre quicte de prison , s'inclina volentiers et y procéda jusques au parfait.
