CHAPITRE LXIIL

Cy parle des débasts entre les Oncs et les Cabiilaus on Flandres, et de madame Jacques de Bavière, duchesse de Brabant, et de son mari

Or, fault-1l donner cesse ung peu à cestuy roy anglois, qui, sur les vexacions données au royaulme franchois encoires le menasse bien de plus fort, et fault ouvrir ung peu une matière, grande de poix en son temps ct de grant fait. Mais ne se pourra toute encoire déduire en son appertenir, par aulcunes grandes entrefaictes qui vont devant; lesquelles passées, ceste matière dont je parle, et qui prestement sera ouverte, recherra en son lieu tout au long , et sera amplement devisée, comme le cas le vault bien. Si sera de madame Jacques de Bavière , jadis duchesse de Tourraine et daulphine de Viennois, et depuis duchesse de Brabant , dame aussi héritière de Hollande, de Zéellande et de Haynault, par qui, à l'occasion de sa fortune qui n'estoit peut-cstre meilleure, il vint depuis maintes tribulacions en ses pays, et apparences de grand meschief, qui n’y eust remédié aigrement et pourveu. |

Dont pour venir à la racine du cas, il loyst sçavoir que, ès parties de Hollande dont la dame Jehanne de Bavière estoit princesse et dame héritière, de très longs ans a couru et regnié une division des parties , dont l’une se nomme Onc et l’aultre Cabillau, dont le nom de l'un signifie ung poisson qui a ung grand engoulement et large, et l’aultre signifie ung engin de fer crochu et très agu , par lequel il se prend et se estran- ‘ gle. Et peut-estre qu'ils y ont aulcun entendement de mistère en cecy, et est bien vraysemblable , comme se on voulsist dire que lung contend à tout engouler, et l’aultre à faire estrangler les engouleurs.

Or, estoit ceste dame Jacques fortadhérente

11420] à la partie des Oncs, et des oncques les avoit portés et soustenus sur les aultres ; mais son mari, le duc de Brabant, qui, à cause d'elle, estoit prince du pays de Hollande , maintenoit la partie contraire. Etvenoient lesungs à l’ung, et les aultres à l'aultre, nourissant couvertement tousjours sédicions et controverses, ès affaires et opportunités de leurs seignouries, * qui mieulx mieulx, et contendoient tous deux à régner et à vaincre lung sur l’aultre l’ung par la vertu de la princesse naturelle héritière, l’autre par la vertu du seigneur, advoé du pays par vertu de mariaige.

Si fault entendre que cestuy duc de Brabant nommé Jehan, et nepveu audit Jehan de Bourgoingne, estoit en aflinité avec la duchesse Jacques sa femme, sy de près, que luy et elle estoient enffans de frère et de seur germains ; mais nonobstant que si affins feussent de lignaige et de sang , si estoient ils bien différent de nature et de condicion ; car le mary estoit tendre et homme linge et blaiche, non furt mondain, et se laissoit mener el manier bien légièrement, et la dame estoit cointe beaucop et gaye fort, vigoreuse de corps, et non proprement sorte, ce-sembloit, à homme foible, si se fault rapporter au secret de son coraige en cestuy endroict. Mais se cela y aidoit ou non, toutes- - voies, sous longue dissimulacion, en elle enfin se descouvry l'argu et la division que elle avoit prinse encontre luy, et soubs tiltre de son povre gouvernement , en quoy elle l'accusa, comme de soy laissier gouverner par meschans et par gens inutilles au bien de leur pays , et elle quéroit séparacion et d'estre dessevrée de luy, ne luy chailloit comment. Et pour mieulx donner couleur à son désir , elle allégoit que trop y avoit de prochaineté de sang entre eulx deux, pour estre maryés ensemble, et que pourtant à paine estoit-il possible que entre eulx eust aulcune terminacion, ne jamais paix. Et soubs tels et tels tiltres, qui sembloient aulcunement donner justifficacion à la matière, elle s’accordoit au divorce, et quéroit la franchise de son plaisir, pour transporter son corps ailleurs, ou à aultre , si l’adventure ainsi advenoit , et que ce fust son plaisir. Si cn fut cestuy prince, le mary d'elle,

complainte souvent à sa belle-mère, la con tesse de Haynault douagière, Marguerite de Bourgoingne, et pareillement à son cousin germain, le jeusus duc Phelippe de Bour-

goingne , qui, par plusieurs fois, s'y estoient

traveilliés, pour y mectre accord et union; et de fait, plusieurs fois les avoient rejoints et accordés, mais non pas de telle foy , comme il appert, que l'amour y fut entière pi de grant fruit. Par quoy il failloit finablement que la haine accuillée entre eulx vint à son descuevrement, là où nul radouber d'amy ni de parent ne povoit proufliter, mais que la séparacion se fist, fust honneste ou non, illicite ou excusable , ou honteuse, par les malices et frauldes d’aulcuns, qui se déclaireront en ce présent chapitre par quelle manière.