CHAPITRE XX

Comment Anthoine, fils bastard du duc de Bourgoingne, desconfit les Gantois, et du coustellier quy feut prins et pendu, auquel au retour ceulx de Gand avoient promis de le faire comte de Gand.

Les ambassadeurs du roy de France ne feurent point plustost vuidiés de la ville de Gand pour retourner devers le duc, qu’une grande compagnie de Gantois en armes vuidèrent de la ville de Gand, jusques au nombre de cinq mille ou plus, pour aller derechief combattre le duc et ses gents. Et estoit ile chief de l’armée desdicts Gantois et comme capitaine ung nommé 1... coustellier de Gand, lequel estoit gras homme, et forgeoit des cousteaulx qui portoient enseigne de lunettes; lequel coustellier s’estoit vanté de destruire et ruer jus le duc et sa puissance, et ceulx de Gand avoient promis audict coustellier que, au cas qu'il peust desconfire et ruer jus le duc et sa puissance, ils le feroient comte de Flandres. Lesquelles compagnies des Gantois se tirèrent vers Hulste, ung gros et fort villaigequy estoit au-dessusdict pays de Wast, lequel estoit mis en la garde du duc; et illecq estoient le bastard du duc et plusieurs aultres gens de guerre quy le gardoient pour le

(1) Lacune.

doubte des Gantois. Tant exploitèrent lesdicts Gantois qu'ils arrivèrent audict Hulste, et cuidèrent prendre ledict Anthoine et ses gents en desroy, et qu’ils ne scenssent point leur venue; mais le bastard estoit adverty de leur venue, et vuida allencontre d’eulx ; et sy fièrement les assaillit qu’il les desconfit tellement qu’il en demoura bien trois mille morts ; et feut prins Île coustellier, quy estoit leur chief et capitaine, avecques plusieurs aultres, lesquels feurent menésdevers le duc, lequel duc les feittouts pendre.

Et en vérité je vous dirai ung grand merveille, et à peu sembleroit-elle croyable : c’est que les Gantois hayoient tant le duc leur seigneur , et estoient tant obstinés à le nuire et faire guerre, que quand ils estoient prins ils aimoient mieux que on les pendist et feist mourir que de prier mercy au duc leur seigneur, quoy faisants on leur respiteroitt leurs vies. Ils respondirent qu’ils aimoient mieulx à mourir que de luy prier merey, et qu’ils mouroient à bonne querelle et comme martyrs.