CHAP. XX

vers eux, entrèrent en la ville de Gand , en laquelle ville ils feurent très hautement receus par les Gantois. Et après qu’ils feurent descendus, allèrent à la maison de la ville. Illecq déclarèrent aux Gantois : comment le roy les avoit envoyés pour mectre paix et accord entre le duc de Bourgoingne leur seigneur et eulx ; pour de laquelle chose venir à chief avoient impétré devers ledict duc trefves de trois jours, avecques le saulf-conduict pour aulcuns de la ville venir versluy traictier dela paix. Aprèslesquelles parolles proposées par lesdicts ambassadeurs, lesdicts de la ville respondirent aulx ambassadeurs: que ledict duc leur seigneurestoit sy merveilleulx que nullement ne les vouloit ouyr ny entretenir en leurs franchises et privilèges, et que pour riensils ne laisseroient perdre leurs priviléges. Et dirent aulx ambassadeurs, sy aultre chose ne voulloient dire , que hastivement partissent de la ville ; lesquels ambassadeurs se partirent incontinent après ce qu’ils perceurent la grande orgueil quy estoit ès Gantois; et s’en revindrent devers le duc sans riens faire.