CHAPITRE I
Comment les Anglois prindrent Fougières, en Bretaigne; et des seigneuries que les Anglois possessoient en France.
En l'an de l’incarnation de Nostre Seigneur Jésus-Christ mil quatre cents quarante-huict, durant les trefves d’entre Charles, roy de France, septiesme de ce nom, et Henry VI, roy d’Angleterre , fils du roy Henry et de Catherine de France, sœur au roy Charles dessusdict, prindrent d’eschelles et par emblées les Anglois les ville et chastel de Fougières, scitués en la duché de Bretaigne , à l’entrée de Normandie, de laquelle duché de Normandie, de Guyenne, et d’aultres moult grandes seigneuriesau royaulme de France, icelluy roy d'Angleterre possessoit. Icelluy roy d'Angleterre avoit environ vingthuict-ans, et en son age de huict à dix ans, par les guerres et divisions qui avoient esté au royaulme de France, avoit esté couronné roy de France à Paris, par les grandes conquestes,
(4) Suit dans le manuscrit la table des livres et chapitres.
persécutions et batailles que le roy Henry son père y avoit faict, par lesquelles il avoit conquis une partie du royaulme, ct en avoit débouttéle roy Charles VE aisné, quy plus n’avoit de fils. Et sy le roy Henry eust survécu Charles VI son beau-père, il eust appréhendé tout le royaulme ; lequel royaulme lui avoit esté donné par icelluy Charles VI. Mais par la pourvoyance divine, qui ne voullut souffrir que le droit héritier du royaulme de France feust privé de son héritage, le roy Henry d'Angleterre, environ quarante-huict jours avant que le roy Charles VI mourust, vint à clorre son dernier jour; et mourut au bois de Vincennes, emprès Paris , délaissant le roy Henry dessusdict son fils d’ung an ou environ. Après laquelle mort du roy Henry et du roy Charles VI, Charles, fils dudict Charles, Daulphin de France, alla à puissance d'armes en la cité de Rains, et illecq se feit couronner roy de France. Et despuis son couronnement reconquesta Paris, Ponthoise, et la pluspart de son royaulme, telle-
ment qne les Anglois ne tenoient mès audict an quarante-huict que les duchés et seigneuries CY dessasdictes.
