CHAPITRE Il

Comment le roy de France envoya signifier au duc de Sombreset que la ville de Fougières luy feust rendue ct restituée avec touts les biens qui avoient esté prins dedans.

Le roy Charles estant monté à cheval au Moustier, et party pour aller à Bourges en Berry, sa ville, on luy vint signifier comment les Anglois avoient prins Fougières, environ six cents combattants, dont estoit chief ung chevallier arragonnois , nommé messire François de Suriennes, et pillé la ville , laquelle estoit riche et puissante, et peuplée de très nobles bourgeois et aultres riches marchands. Pour lesquelles nouvelles le roy alla à Chynon; et là, par délibération du conseil, incontinent erivoya le seigneur de Cullant, son grand maisired'hostel, Guillaume Cousinot , son conseiller , et Pierre de Fonceri, son escuyer d'escurié, en ambassade devers le due de Sombreset #, gouverneur de Normandie de par le roy d’Angleterre, pourluy sommer et requérir qu'il voulsist 3 rendre et délibvrer lesdictes ville et chastel de Fougières, et faire rendre et restituer les biens et marchandises quy dedans avoient esté prinses ; lequel duc de Sombreset dict qu’il désavouoit ceux qui les avoient prins, supposé qu'ilen feust itieulx #, et pour ce ne se mesleroit ny entremetteroit de les faire rendre.

Le duc de Bretaigne l'envoya pareillement sommer et requérir de rendre ou faire rendre et réparer lesdictes ville et chastel de Fougières; auquel ledict due feit pareille response qu'il avoit faict aux ambassadeurs du roy de France. Quand le due de Bretaigne oyt ladicte response dudict dué, considérant les maulx infinis qui polroient estre faicts par icelle prinse, envoya en ambassadé devers le roy de France l’évesque de Resnesÿ, et le sieur de Quemenay 6, pour luy remonsirer et faire sçavoir comment les Anglois avoient prins sa ville et chastel de Fougières, sur les trefves d’entre les roÿs de France et d'Angleterre, ésquelles le duc estoit com-

prins nommément avecques touts Ses pays et

seignèuries; et pour ces choses, considéré qu’il

Gi) Fontenay. (2) Sommerset. (3) Voulût. (4) De tels. (3) Rennes. (6) Guemenée.

estoit $on vassal et nepveu, le supplioitet requéroit de luy aider et donhet confort à recouvrer sadicte ville, ainsy que ung seigneur est tenu à secourir son vassal. Aulxquels ambassadeurs de Bretaigne le roy de France respondit que, pour ces causes, il avoit envoyé son ambassadeur vers le duc de Sombreset; et

semblablement avoit envoyé hastivement par-

devers le roy d'Angleterre Jehan Havart, son escuyer tranchant , pour le sommer de rendre ladicte ville ; et pour ce falloit attendre la venue et retour de iceulx, et scavoir leur response, devant que on peust par autre maniére besongner en ceste matière. Mais au cas que ils ne vouldroient rendre ladicte ville, le roy promectoit secours et confort au duc de Bretaigne son nepveu, allencontre des Anglois, et luy aideroit à recouvrer sadicte ville de Fougières de tout son pouvoir.