LIVRE I1, CHAP. XLIL

continuellement les Gantois en leur grande orgueil, feit publier son mandement, et commanda que tout homme quy se avoit accoustumé d’armer, avecques fiefvés et arrière-fiefvés, feust prest en armes au quinziesme jour d’apvril, l'an mil quatre cents cinquante-trois, pour derechief aller vers Gand, abbattre l’orgueil des Gantois. Et ce temps pendant, le due, quy avoit à Lille toute son artillerie preste, lequel duc estoit à Lille illecq attendant ses gents d'armes, et icelle son artillerie estoit en son hostel, qu’on appelle la Salle de Lille, auquel hostel ÿ a une tour où avoit un cellier qui battoit contre la rivière du rivage, laquelle rivière vient de la Lys, et en icelluy cellier y avoit plusieurs tonneaulx de poudre de canon, advint qu’en ladicte tour ou cellier, par une rayère quy y estoit, on jetta du feu ; et ne scaiton quy; mais sy, de adventure, on ne feust allé audict cellier, comme on y alla pour quelque chose qu’on y avoit affaire, toute l'artillerie dudict duc euist esté arse, avecques, par adventure , toute la ville ou partie d’icelle. Mais ainsy que, par cas de fortune, on vint sy à poinct qu’encoires n’avoit faict le feu nul mal, ja-soit ce que le ledict feu s’estoit jà ahers! à ung tonnel plain de poudre, et avoit jà ars deux cercles; ny oncques on ne peut scavoir qui ce avoit fait, sinon que ce avoient faict aulcun maronnier ? ou aultre, lequel estoit Gantois, ou avoit ses amis dedans la ville de Gand (toutefois oncques on ne peut scavoir la vérité ); et aussy jà-soit ce que le duc avoit faict publier qu’on feust prest au quinziesme jour d’apvril, sy rallongea-t-il le jour jusques au quinziesme de may.