CHAPITRE XLIII

Du traicté qu'on cuida avoir faict à Lille; et comment les pays du duc estuient lravailliés tant des geuts de guerre du duc comme des tailles.

Ce temps pendant que les Gantois faisoient tant de maulx, les trois membres de Flandres, avecques les nations de Bruges, vindrent à Lille devers le duc de Bourgoingne, en priant audict duc qu’encoires une fois volsist envoyer aux Gantois ung saulf-conduict, pour venir à Lille pour parlamenter de paix. Ledict duc, pour l'amour des nations, leur octroya ; et vindrent à Lille vingt ambassadeurs de Gand. Et pour vous faire entendre que c’est des quatre membres de Flandres, faut scavoir que quatre y en a, dont la ville de Gand est le premier ; Bruges , le second ; Ypres, le tierce; et le pays de Francq, le quart; et les nations de Bruges sont les marchands tenants les tables de marchandise par tout le pays chrestien.

Lesdicts membres et nations ainsy assemblés à Lille traictèrent tant qu’on cuida proprement que la paix feust faicte entre le duc et les Gantois. Et sitost qu'ils feurent revenus à Gand, sy dirent comment ils olrent besoingné et traictié. Duquel traictié que les ambassadeurs avoient faict avecques les membres et nations, les Gantois n’en voulurent riens tenir ; et ainsy feut le tout rompu; dont les pays du duc valurent pis ; car durant ce que les membres de Flandres, comme dessus est dict , estoient devers le duc et traictoient de la paix, l’armée dudict duc, quy estoit preste très le quinziesme jour d'apvril, tenoit les champs ès pays de Picardie et d’Artois et de Boullenois, de Flañdres, de Haynault et d’ailleurs. Et les tindrent six sepmaines; durant lequel temps faisoient moult de maulx. Et n’estoit nul preud’homme ne marchand quy, sans grand doubte et péril d’estre desrobbé des gents d'armes, osast aller par les champs. Et mesmement falloit garder les bonnes villes des pays du duc à force , et faire guet aux portes, comme sy les ennemis feussent à l’environ ; car sy les gents d'armes du duc y euissent peu entrer forts assez, il les euissent pilliées. Et mesmement se logèrent et pillièrent plusieurs faulxbourgs des bonnes villes. Et tout ce falloit endurer par les gents du plat pays et les aultres, jà-soit ce que lesdicts pays feussent assez taillés de tailles, avecques tout ce que ledict duc faisoit payer.

[1463] CHAPITRE XLIWV.