CHAPITRE

Comment la ville et chastel du Pont-de-l'Arche feurent prins des gents du roy de France par subtylle voye; et comment le scigneur du pays de Bretaigne promit de servir le roy de France.

L'an ensuivant, mil quatre cents quaranteneuf, après Pasques , les ambassadeurs du roy Charles retournèrent de Rouan et d'Angleterre à Chynon, devers le roy, lequel, après avoir ouy la response , envoya devers le duc de Bretaigne le comte de Dunois, le seigneur de Precigny et aultres, pour prendre et recepvoir pour luy et en son nom, d'icelluy duc et barons et seigneurs du pays, le serment de servir le roy léallement, tant que la guerre dureroit, ou cas qu’il se meict en armes pour les ayder et secourir allencontre des Anglois; et lesquels duc, barons et seigneurs le promirent ainsi ; ce que, pour plus seurement entretenir, baillè rent leurs scels, lesquels feurent portés au roy. Et tout incontinent ce faict, le duc de Bretaigne manda de toutes parts à ses subjects, amis et alliés, qu’ils le voulsissent ayder et secourir à soy vengier des Anglois et recouvrer sa ville de Fougières. Et à ceste occasion et pour luy complaire, messire Jehan de Bresay, chevalier, natif du pays d'Anjou , capitaine de Louviers ; Robert de Flocque, dict Flocquet, escuyer , du pays de Normandie, bailly d’Evreulx ; dau de Clermont, escuyer, du pays de la Dauphiné; le seigneur de Magny et Guillaume de Vicars, es-

cuyer,entreprindrent deprendreles villeet chastel du Pont-de-l'Arche, sur la rivière de Saine, à quatre lieues près de Rouan au-dessus, par le moyend'ung marchandde i-ouviers, lequel souvent menoit charroy par lediet Pont-de-l'Arche, pour aller à Rouan, et veoit qu'il n'y avoit guières de gardes à icelluy pont. Et vindrent le seigneur de Bresay et avecquesluy aulcunsgents de pied, eulx embuscher près dudict lieu, du costel devers la porte Sainet-Houin; et Robert de Flocquet, atout quatre à cinq cents combattants à cheval, plus près de la ville, devers le bois, du costel dudict Louviers. Celluy marchand, le jocudy devant l’Ascension, ou mois de may, se partit de Louviers pour aller à Rouan, ainsy qu'aultrefoisil avoit faict ; et en passant pria le portier qu'il luy voulsist bien matin ouvrir la porte du chastel, et qu’il luy donneroit le vin, lui faisant accroire qu'il voulloit hastivement retourner audict Louviers, quérir des denrées ; et après ce passa oultre, comme à heure de minuit, accompagnié de ceux de Pembusche de pied. Il se retourna logier en une hostel- Icrie aux champs, près du chastel du costel de Sainct-Houin, là où il trouva en son lit la femme, laquelle eut grande poeur à sa venue; car son mary estoit hors alle à ses affaires. Lequel marchand feut là jusques au poinet du jour ; et lors alla tout seul appeller le portier, lequel vint ouvrir la porte, ainsy que luy avoit le jour de debvant promis; et au plustost saillirent deux compagnons du costel pour entrer au chastel avecques le marchand, atout sa charrette qu'il laissa sur le pont , au lez du boullovert, jusques à ce qu'il tira trois pièces d'argent pour le vin d’icelluy portier, lesquelles il jeta à terre; et en soy baissant pour les lever, lemarchand le tua d’une dague. Ceulx du chastel ouirent le hruict; et en descendit ung en sa chemise, Angleis, bel homme, jeusne et fort, entre les aultres, qui cuida lever le pont du chastel, quand il apperceut le boullovert prins; mais le marchand se hasta et le tua; et ainsy feut conquis le chastel. Tous ceulx de pied passèrent là, vindrent au long du pont, faisants grands cris pour entrer en la ville. Ung Anglois gardoit la porte affin qu'ils n’y entrassent, et la garda longuement et vaillamment ; mais enfin feut tué et la ville prinse; et là feurent

morts et prins cent à six vingts Anglois; et entre aultres feut prins le seigneur de Falquem-

bercq!, qui d'adventure y estoit entré la nuict de devant. Quand ceulx de pied feurent dans la ville, feirent ouvrir la porte de devers Louviers, par où entrerent le bailly d'Evreulx, le seigneur de Magny et tous les gens de cheval, criants saint Yves et Bretaigne ! Ainsy feut la ville prinse, quy estoit moult bonne place et moult fort chastel, et beau pont sur la rivière de Saine.