CHAPITRE L

Comment ceulx quy estoient dedans Gaures curent promesse des Gantois de les secourir, et comment Jean de Vos eschappa de Gaurcs, et alla quérir les Gantois, et comment coulx du chastel se rendirent.

On dict à ceulx de Gand que le duc debvoit assiéger le chastel de Gaures; pourquoy les Gantois envoyérent ung homme d’armes anglois, nommé Jehan de Vos, luy seiziesme de gentsde guerre, avecques ceulx quy estoient au chastel. Et dirent ceulx de Gand à Jehan de Vos et à ceulx de sa compagnie, qu’ils y allassent hardiment, et reconfortassent ceulx dedans ledict chastel de Gaures; car le duc n’auroit point sitost meis le siège devant le chastel que vingt-quatre heures après ils ne livreroient bataille audict duc et à ses gents ; et le leur promirent a tenir fermement ; et disoit-on qu'ainsy ils avoient promis à ceulx de Poucres, dont ils n’en tindrent riens. Après toutes ces choses ainsy faictes, le duc meit le siégedevant ledict chastel ; et feut tout environné de ses gents; puis feit dresser touts ses engins pour battre le chastel. Et comme il les faisoit dresser , dedans le chastel y avoit ung compagnon , lequel jouoit très bien d’une trompette , lequel certes n’estoit pas Flameng, ainsestoit du pays du duc, etavoit autresfois servy aulcuns seigneurs quy estoienten la compagnie du duc. Icelluy compagnon monta sur une hautc eschauguette d’une tour, et illecq dict moult de blasphemmes du due, en l’appel- Jant faulx, desloyal, traistre, tyran, et moult aultres injures quy sonnoient tres mal, en disant : «“ De bien brief son orgueil soit abbattu des Gan- «{ois! » Onrapporta ces parolles au duc, lequel, considcrant que folie luy faisoit dire , n’en feit guières de compte. Le chastel estoit assis en bas lieu , et mal battable d'engins; mais nonobstant ce, le duc le faisoit battre d’engins le plus qu'il pooit; et tellement le batteit que

tel, leurs vies saulves: car ils véoient que les Gantois leur avoient failly; à quoi le duc ne les vollut recepvoir, pour les injures que le trompette avoitdict de luy. Quand Jehan de Vos leur capitaine veit ce, et que les Gantois luy avoient ainsy menty et failly leur foi, sy s'appensa comment il polroit saulver sa vie. Sy feit tant, comme on disoit, que par une nuict il parla à aulcuns des gents du duc, et leur promit que, moyennant qu'on le laissast issir sans péril de son corps, luy et ses gents, du chastel, qu’il amèneroit les Gantois, en dedans deulx jours après son partement, en bataille contre le duc; et illecq le duc polroit prendre vengeance desdicts Gantois. Et par ceste promesse, ils s'avallèrent, luy quatorziesme, la nuict ensuivante, hors du chastel, sans que ceulx de dedans s’apperceussent de son allée, jusques ce que vint le lendemain matin. Quand ceulx de Gaures perceurent leur capitaine et une partie de ses gents eschappés, sy conclurent touts d’eulx rendre à la vollonté du duc, car plus n’avoient d'espoir d’estre secourus ; parquoy celluy jour, ainsy qu'à midi, rendirent leur corps et le chastel à la vollonté du duc; touts lesquels ledict duc feit incontinent pendre, jà-soit ce qu'il y eust deux cordeliers de l’ordre de Saint-François, avecques ledict trompette.