LIVRE 11, CHAP. XLIX

cinquante-trois , après que le duc eust séjourné douze jours à Courtray, on apporta grosses finances audict duc. Sy feit d’icelles payer touts ses gents d'armes pour ung mois d'avenir; puis icelluy jour se partit de Courtray, et alla assiéger ung moult fort chastel quy est entre Gand et Audenarde, auquel chastel les Gantois se tenoient. Pour lequel chastel assiéger, et ains qu’il arriva là, ordonna ses gents en trois batailles, qu’on appelle, comme dessus est dict, avant-garde, bataille et arrière-garde. En la première bataille, qu’on appelle avantgarde, estoit chief le mareschal de Bourgoingne:; avecques luy estoit Anthoine, bastard de Bourgoingne, messire Jehan de Croy, grand bailly de Ha ynault, avecques les Hennuvers et maints aultres chevalliers, escuyers et gents de guerre dont trop longue chose seroit à raconter les noms, et aussy certes je ne scauroys. En la seconde bataille estoit le duc de Bourgoingne armé tout au clair, lequel, comme on disoit, et pour tel estoit tenu de ceulx qui le congnoissoient et l’avoient veu, estoit le plus hardy et le plus valliant homme quy feust en toute son assemblée ; et bien l’avoit monstré en son temps, en plusieurs grandes et grosses batailles: et estoit ung homme sans poeur, comme on disoit ; et combien qu'il euist lors cinquante-six ans, sy le faisoit-il beau veoir en armes. Quy de sa vaillance voldra ouyr parler ou veoir, le verra ès cronicques de ceulx quy ont mis par escript la bataille qu'il olt à Saint-Ricquier contre les François, et quy ont mis aussy par escript comment il meit le pays de Hollande en sa suhjection, et comment ceulx de Bruges le cuidèrent mectre à mort, et toute sa compagnie, en ladicte ville de Bruges. Je me tairay atant de ce, et retourneray à ma matière, Avecques le ducestoit Charles son filslégitime, le comte de Charollois, de l’aage de dix-neuf ans; et plus de enfants de mariage n’avoit ledict duc. Y estoit aussy Adolf de Clefves, nepveu dudict duc , le comte d’Estampes, le seigneur de Saveuses et toute l’armée de Picardie et d’Artois, avecques maints aultres Combattants. Et en la tierce bataille, qu’on appelle l’arrièregarde , estoit Jacques de Sainct-Pol, Jacques de Lille-Adam avecques touts les Boullenois, et plusieurs aultres chevaliers, escuyers et gents de guerre. Pour brief dire, estoit belle chose à veoir toute l’armée du duc, car c’estoit pourla :

pluspart touts gents de guerreet bienenpoinct,

et quyavoient accoustumé d’aller en guerre. Et n’y avoit nul Hollandois; et touts les gentilshommes de France de l'armée estoient avecques le duc. Et pourtant que les Gantois s’estoient vantés qu’ils livreroient en brief la bataille au duc, alla ledict duc mectre le siége en telle ordonnance devant le chastel de Gaures; car il n’y avoit plus ville, chastel ne forteresse quy ne feust en l’obéissance du duc.