CHAPITRE LIIL

Comment le duc se meit pour aller en bataille contre ceulx de Gand, ses mortels ennemis, et de la belle ordonnance qu'il feit; ct des nouveaulx chevalliers quy y feurent faicts, ct aussy de ceulx quy ce jour levèrcnt bannière.

Assez tost après que les Gantois feurent issus de la ville de Gand pour venir à bataille contre leur duc et seigneur, on vint dire audict duc comment ils estoient issus , et venoient grande allure , et estoient jà près d’illecq. Lequel duc estoit assis au disner. Tantostouyes ces nouvelles, sy se leva de table, et dict, de cœur joyeulx, qu’ils feusseut les bien venus et qu’ils seroient combattus. Lors fcit cryer allarme, et s’arma tout au clair, et son filsavecques luy. Et certes ce propre jour s'estoient rendus ceulx de Gaures, et estoient plusieurs de l’armée du duc allés dedans le chastel, veoir pendre ceulx de dedans, et tellement qu’à peine , despuis qu’ils oyrent cryer allarme, se feurent mis en armes et en arroy, que on ne leur vint dire que les Gantois estoient bien près d’eulx. Sitostque le duc veit ses gens en ordonnance, sy les meit en trois batailles, comme dessus est dict; et alloit le duc en chascune bataille donner cœur ethardyment, en leur disant qu’ils se combattissent bardyment contre les Gantois, quyluy venoient courre sus, et qu’à l’ayde de Dieu, ains que le soleil se couchast, ils seroient touts riches. Et menoit l'avant-garde le mareschal de Bourgoingne et ceulx que dessus ay nommés; et après alloient lesdicies aultres deulx batailles. Et entre lesdictes trois batailles n’y avoit pas plus de distance que d’ung ject de pierre, ou ung petit traict d’arcq. Et après ce que ledict duc eust mis ses gens en ordonnance, illecq y olt plusieurs hommes d'armes quy requirent chevallerie, et lesquels feurent faicts chevalliers ; desquels j'en nommerai aulcuns : primes Jacques de Sainct-Pol, le mareschal de Bourgoingne et le seigneur de Noeufchasiel, le Besgue de Rancicourt , Jehan de Hames, fils du seigneur de Hames; le seigneur de Ligneen Ha ynault, le seigneur de Rougemont , le seigneur de Grutuse en Flandres, le seigneur de Serre, leseigneur de Ribaupré, Guillaume Candmas,JehandeWazières, Ferry de Ensche, Guillaume de Talamer, Jacques deMontmartin, Pierre de Zuncq,Tidond’Esture,

Guyot de Grammont, Jacques de Montigny, Aubert de Beaumont, Gilles Provisy, Robert de Goy, Jehan de Suavre, Jehan de Dringhem, Jehan dela Viefville. Philippes de Maldleghem, Ambelart de Noeufville, Liennart Mocet, François de Meuton, Symon du Chastelet, Anthoine de Ray et son frère, le sieur de Noirquermes et son frère, Flamangs; Guillaume de Grispeur, Gallehaut de Willerval, Charles de Noyelles, Andrieu de Cleron, Mathieu de Rebecque , Secret de Gavre, Louis de Praicq, Henry d’Estiembecque, le seigneur de Toulongeon , et Tristan son frère, Bourguignons, frères d’une portée; Jehan Pierron, Claude de la Guise, Christophe de Hardenten, Jehan Du Pleix, Anne de Taullain, Loys de Helmestrop, Philippes de Cohen, Svmon d'Esturmel, Colart Angort, Lion de la Havarderie, Loys d'Espierre, maistre Pierre de Goux !, conseiller du duc, Henry Brisvicq, et maints aultres que je ne scauroys nommer, tant de Bourgoingne, de Brabant, de Haynault, de Flandres, d'Artois, de Boullenois, comme de Picardie. Desquels chevalliers faicts y en olt aulcuns, lesquels icelluy jour levèrent bannière; c’est à scavoir : le seigneur de Cohem, leseigneur d'Estambourt, le seigneur de Miraulmont, et aultres desquels je ne peulx sçavoir leurs noms.