CHAPITRE LIV
pe la mortelle bataille que le duc de Bourgoingne eult contre ceulx de Gaud, ses subjects ;et comment les Gantois feurent desconfits ; et de la grande occision qu'il y olt.
Le vingt-deuxiesme jour de juillet mil quatre cents cinquante-trois, se partit le duc Philippes de Bourgoingnede devant Gaures, atout son ost, pour aller combattre ceulx de Gand, ses ennemis. Lequel duc , après ce qu’il olt mis ses gens en ordonnance, comme dessus j'ay dict, ne feut pas sitost meu qu’il perceut ses ennemis. Aussitost qu'il les perceut et veit que son avantgarde estoit jà près d’eulx, sy envoya avecques ceulx de l'avant-garde le seigneur de Saveuses et sa compagnie pour faire secours à ceulx de l'avant-garde.
Mais sitost que les Gantois veirent les Picards, sy se rangerent en bataille et meirent leurs coulleuvrines et engins devant eulx. Quand le mareschal du duc veit ce, se doubta que du traict desdicts engins ne fuissent plusieurs de ses gents occis ; pour laquelle cause, affin qu'ils
(1) Gois.
MÉMOIRES DE J. DUCLERCQ,
laissassent leurs engins, feit signe de ung peu reculer. Et à certes tantost que les Gantois les veirent reculer, sy allèrent très asprement vers eulx en très belle ordonnance: et les conduisoit ledit Jean de Vos. Sitost qu'il fust assez près pour combattre, sy frappa son cheval des esporons et s’en vint rendre au duc en luy disant telles paroles : « Voicy les Gantois que je vous «amaine; je me mets en’vosire mercy. »
Après ce, commenca la bataille, et commencèrent les archiers à tirer sur les Gantois, et les Gantois à eulx très valliamment deffendre ; et avoient jà occis ung homme d'armes et aulcuns archiers, quand le duc de sa personne se férit en eulx, et généralement toutes les trois batailles ensemble ; et y feit le duc merveille de valliance, et aussy feit Jacques de Sainct-Pol. Lors ne se peurent plus tenir ceulx de Gand et prindrent la fuitte laide et vilaine, et s'enffuirent vers Gand, et le duc et ses gents en fuyant les occyoient. Et ainsy qu’ils cachoient ! lesdicts Gantois, aulcuns d’iceulx Gantois se retrairent en une prairie enclose de fossés et ung petit bosquet. Lesquels Gantois derechief se meirent illecq en deffense ; et illecq des hommes d'armes du duc et le duc mesme feurent enclos ; lesquels hommes d'armes ne sçcavoient entrer dedans, pour les fossés dont ladicteprairieestoitenclose; et y avoit honneur à y entrer premicr, pour ce que on n’y pouvoit entrer à cheval qu’à grand dangier ; et sy n’avoient illecq lesdicts hommes avecques eux aulcuns archiers, lesquels estoient touts descendus à pied et ne lesavoient peu suivre, ains estoient derrière eux,où ils chassoient les Gantois et les occyoient. Entre les hommes d'armes dudict duc quy avoient enclos ladicte prairie, il en y olt ung quy estoit de Bruges, quy par trois fois sur son cheval passa les fossés, et sa lance en poing se férit ès Gantois, et à chascune fois repassa. Mais à la troisiesme fois qu'il y retourna, tantost qu’il feust issu de ladiete prairie, son cheval mourut des horions qu’il avoit eus. Quand ce veit le duc, et que nul n'osoit entrer ladicte prairie, sy férit son cheval des esporons et passa les fossés, et entra dedans ladicte prairie; et tantost touts ceulx de sa compagnie le suivirent et se férirent touts ès Gantois ; et illecq feit merveille de valliance ledict duc de son corps, et Charles, son fils , aussy ; mais aussy receuprent-ils maints coups de pic-
{t) Chassoient. | "à
ques des Gantois, lesquels fort et vertueusement se deffendoient ; et euist le duc et ses hommes d’armes fort à faire à subjuguer lesdicts Gantois en ladicte prairie, quand une grande compagnie d’archiers, lesquels suivoient le duc de loing, et aulxquels, pour les haster, on estoit allé allencontre leur dire comment le duc se combattoit, vindrent au secours du duc et commencèrent à tirer sur lesdicts Gantois ; lesquels, prestement qu’ils sentirent les traicts, feurent desconfits et commencèrent à lancier lung à , l'autre là, mais ils ne pooient vuider ladicteprairie, pourquoi feurent toutsillecq occis. Pareillement ceulx quy fuyoient de la bataille, on les occyoit et tuoit, car ils ne sçavoieut bonnement tirer à Gand s'ils ne passoient par la rivière de l’Escault. Et plusieurs, et tant que merveille, lesquels pensoient passer la rivière, se noyoient, tant pour le traict que on tiroit après eulx, comme pour ce qu'ils ne pooient pager,ou ne scavoient, pour leurs armes; etsy en tuoit-on plusieurs, tant en l’eaue, comme sur le bord de l’eaue, qu’on ruoit en la rivière, tellement que ladicte rivière en fcut toute vermeille. Plusieurs aussy y en y olt quy, sans passer la rivière, s’enffuirent à Gand; lesquels feurent tellement caciés des Picards que, s'ils eussent vollu, sans qu’ils euissent sceu quy ils estoient , fuissent francquement entrés dedans la ville de Gand, et l’euissent prins; car pour certain, à ceste heure, ceulx de Gand feurent sy esperdus et sy espouvantés, qu’en la ville il n'y avoit nulle deffense. Toutesfois le duc, comme aulcuns disoient, ne vollut souffrir qu’on entrist dedans, ny qu’on allast ce jour jusque là pour leur livrer l’assault; car le duc considéroit que sy on entroit dedans la ville, qu’elle seroit tellement pilliée et destruicte, que jamais elle ne seroit réparée ; pourquoy le duc, après la bataille gagnée et lesdicts Gantois occis et caciés jusques ès portes de Gand, feit touts ses gents retraire. Ledict duc, après ceste victoire, rentra dedans sa tente, et là se jetta à genoux et rendit humblement graces à Dieu de ce qu’il avoit subjugué ses ennemis les Gantois. Les morts de la partie de ceulx de Gand, tant noyés que occis, feurent nombrés vingt mille, ou plus; mais toutesfois le bastard de Blancq Estrain reschappa et se sauva, passant la rivière à nud ; et de la partie du duc n’y moururent que seize hommes, lesquels moururent,
